ប៉េតង់កម្ពុជា ឈានដល់វគ្គ កណ្តាលផ្តាច់ព្រ័ត

ភ្នំពេញ៖លោក សូម៉ៃ សុខគា អគ្គលេខាធិការរងសហព័ន្ធកីឡាប៉េតង់កម្ពុជា បានឲ្យដឹងពីប្រទេសចិនថា បន្ទាប់ពីវីរកីឡាការិនី កែ ឡេង ដណ្ដើមបានមេដាយមាសពិភពលោកលើកទី៣ កាលពីយប់មិញ នៅព្រឹកថ្ងៃទី១១ ខែវិច្ឆិកានេះ ក្រុមកីឡាការិនីប៉េតង់ជម្រើសជាតិកម្ពុជា នឹងឈានទៅវគ្គពាក់កណ្ដាលផ្ដាច់ព្រ័ត្រ ពោលគឺបានកក់មេដាយសំរឹទ្ធក្នុងដៃទៀតហើយ ក្រោយយកឈ្នះក្រុមកីឡាការិនីជប៉ុន លើវិញ្ញាសាវាយជាក្រុម ៣នាក់ ទល់នឹង ៣នាក់ នោះ ។

ក្រោយកម្ពុជាត្រៀមទទួលមសដាយសំរឹទ្ធក្នុងដៃ ក្រុមកីឡាការិនីកម្ពុជា រួមមានវីរកីឡការិនី កែ ឡេង, អ៊ុក ស្រីមុំ, អ៊ុន ស្រីយ៉ា និង ស្រ៊ាង សុរ៉ាឃីម(បម្រុងម្នាក់) នឹងធ្វើការប្រកួតវគ្គពាក់កណ្ដាលផ្ដាច់ព្រ័ត្រ នៅរសៀលថ្ងៃសៅរ៍នេះ ដើម្បីឈានទៅដណ្តើមមេដាយមាស នៅវគ្គផ្ដាច់ព្រ័ត្រ ហើយគេសង្ឃឹមថា កម្ពុជានឹងទទួលបានជោគជ័យមិនខាន ៕ សោភ័ណ

Leave a Reply

Your email address will not be published. Required fields are marked *