ខ្សឹបដាក់ត្រចៀកៈ ប្រធានមន្ទីររៀបចំដែនដីនគររូបនីយកម្មខេត្តព្រះសីហនុរៀបចំសេណារីយោជាបក្ខពួក រត់ការផ្ទេរកម្មសិទ្ធិដីធ្លីលឿនមិនដល់មួយអាទិត្យ គ្រាដែលពលរដ្ឋរត់ការរាប់ខែឆ្នាំទើបបាន

ប្រជាពលរដ្ឋរស់នៅខេត្តព្រះសីហនុជាច្រើន ជាពិសេស អ្នកមុខអ្នកមាត់​ដែលមានដី​ធ្លីនៅខេត្តមួយនេះកំពុងនាំគ្នារអ៊ូរទាំថា ពិបាកក្នុងការផ្ទេរកម្មសិទ្ធិដីធ្លីតាមបែបបទ​រដ្ឋបាល​(ច្រកចេញចូលតែមួយ)ខ្លាំង​ណាស់ ព្រោះត្រូវចំណាយលុយ និងពេលវេលាច្រើនថ្ងៃមិនតិច​ជាងមួយខែទៅមួយឆ្នាំ ទើបបានឯកសារយកមកប្រើប្រាស់ជាផ្លូវការបាន ។

ប្រជាពលរដ្ឋទាំងនោះបានលួចបង្ហើបថាអស់លោកបើចង់បានសេវារត់ការផ្ទេរកម្មសិទ្ធិដីធ្លីបានរហ័សឆាប់ទាន់ចិត្តសូមទំនាក់ទំនងនឹង លោក នួន ប៉ុក ប្រធានមន្ទីររៀបចំ ដែនដី នគររូបនីយកម្ម សំណង់ និងសុរិយោដីខេត្តព្រះសីហនុព្រោះលោក មានបែបបទគ្រប់គ្រាន់ និងមានសេណារី​យោពីក្រោមដល់លើសុទ្ធតែបក្ខពួកជាពិសេសលោកជាអ្នកចុះហត្ថលេខា​ទទួលស្គាល់លើសំណុំឯកសារស្រាប់ ព្រមទាំងធានារត់ការលឿនមិនដល់មួយសប្តាហ៍ទេ នឹងរួចរាល់ជាស្ថាពរយកទៅ​ប្រើប្រាស់ជាផ្លូវការបានហើយ ដោយគ្រាន់​តែចំណាយ​លុយខ្ពស់​បន្តិចប៉ុណ្ណោះ ។

ចំណែកបងប្អូនប្រជាពលរដ្ឋធម្មតានៅក្នុងខេត្តនិងក្រៅខេត្តដែលមានដីនៅទីនោះ បើ​មិនរត់ការតាមសេណារិយោលោក នួន ប៉ុក  ដែលពួកគាត់(លោកប្រធានមន្ទីរ)​រៀបចំទុក​ប្រយោជន៍គ្រាន់បានលុយចែក​គ្នាចាយ​ជាមួយបក្ខពួកនោះទេ សូមកុំសង្ឃឹមថាបាន​រហ័ស​ឲ្យសោះ បានន័យថាបើរត់ការតាមបែបបទច្រកចេញចូលតែមួយ គឺត្រូវចំណាយពេលរាប់ខែ ឬ១ឆ្នាំ ឯណោះទើបឯកសារធ្លាក់ដល់ដៃបងប្អូន បើពុំដូច្នោះទេ ច្បាស់ជាឯកសាររបស់បង​ប្អូននឹងត្រូវផ្អឹបនៅក្រោមតុលោកប្រធានមន្ទីរមិនខាន។

ក្រៅពីនេះប្រជាពលរដ្ឋនាំគ្នានិយាយថា លោក នួនប៉ុក មានចរិតមិនសមជាថ្នាក់ដឹកនាំ​ទាល់​​តែសោះ ព្រោះពេលខ្លះគាត់ជេរស្តីឲ្យកូនចៅនៅចំពោះមុខប្រជា​ពលរដ្ឋដូចខ្ញុំកញ្ជះ​ដាច់​ថ្លៃរបស់គាត់ និងដូច​ជាអ្នកគ្មានចំណេះដឹងអ៊ីចឹង។ ជាងនេះទៅទៀតទឹកមុខ លោក នួន ប៉ុក មិនចេះ​រាក់ទាក់ស្វាគមន៏សប្បាយចិត្តជាមួយប្រជាពលរដ្ឋដែលទៅ​ស្នើសុំធ្វើបែបបទផ្សេងៗ​នៅមន្ទីររៀបចំដែន​ដីនគររូបនីយកម្ម សំណង់ និងសុរិយោដីខេត្តព្រះសីហនុ ដោយមិនបានឆ្លង​កាត់ក្រុម​សេណា​​រិយោរបស់គាត់នោះឡើយ ។ ទង្វើរបស់លោក នួន ប៉ុក ហាក់ដូចជាមាក់ងាយនិងអនុសាសន៍សម្តេចតេជោដែលតែងលើកឡើងថា ថ្នាក់ដឹកនាំស្ថា ប័ន​នានា ត្រូវធ្វើជាខ្ញុំបម្រើរាស្រ្ត មិនមែនធ្វើជាចៅហ្វាយនាយរបស់រាស្រ្តនោះទេ ហើយបើលោក នួន ប៉ុកធា មានចរឹតបែបនេះ តិចដុតកម្ទេចសន្លឹកឆ្នោតCPP ទេដឹង ?  ៕

 

Leave a Reply

Your email address will not be published. Required fields are marked *