តុលាការដោះលែងលោកកឹម សុខា ឲ្យនៅក្រៅឃុំបណ្តោះអាសន្ន

ភ្នំពេញ ៖ប្រភពព័ត៌មានទទួលបានទទួលបាននៅព្រឹកថ្ងៃទី១០ ខែកញ្ញា ឆ្នាំ២០១៨នេះថាសាលាដំបូងរាជធានីភ្នំពេញ បានចេញដីកាសម្រេចដោះលែងលោក កឹម សុខា អតីតប្រធានគណបក្សសង្រ្គោះជាតិ ឲ្យនៅក្រៅឃុំបណ្តោះអាសន្ន  ដោយយោងតាមដីការបស់តុលាកាដីកាបង្គាប់ឲ្យដោះលែងរបស់សាលាដំបូងរាជធានីភ្នំពេញ ចុះថ្ងៃ៩ ខែ កគ្ញាឆ្នាំ២០១៨ បានសរសេរថា៖ «បង្គាប់ឲ្យប្រធានមណ្ឌលអប់រំកែប្រែទី៣ «ម៣» ដោះលែងជនត្រូវចោទឈ្មោះ កឹម សុខា ភេទប្រុស៦៤ឆ្នាំ ត្រូវបានតំណាងអយ្យការដាក់ឲ្យស្ថិតនៅក្រោមការពិនិត្យពីបទ សន្និដ្ឋិភាពជាមួយបរទេស ប្រព្រឹត្តនៅប្រទេសកម្ពុជា និងទីកន្លែងផ្សេងទៀត កាលពីអំឡុងឆ្នាំ១៩៩៣ ដល់ថ្ងៃទី០៣ ខែកញ្ញា ឆ្នាំ២០១៧ បទល្មើសព្រហ្មទណ្ឌដែលមានចែង និងឲ្យផ្តន្ទាទោសតាមបញ្ញត្តិមាត្រា៤៤៣ ក្រមព្រហ្មទណ្ឌនៃព្រះរាជាណាចក្រកម្ពុជា។

យ៉ាងណាពាក់ព័ន្ធនឹងការដោះលែងលោក កឹម សុខា​នៅក្រៅឃុំបណ្តោះអាសន្ន ត្រូវបានប្រភពព័ត៌មានបញ្ជាក់ថា ដោយសារបញ្ហាសុខភាពរបស់លោក កឹម សុខា ព្រមទាំងកន្លងមកធ្លាប់មានការស្នើសុំច្រើនដងផងដែរ។ លោក កឹម សុខា បានទៅដល់ផ្ទះរបស់លោកនៅខណ្ឌទួលគោក នៅវេលាម៉ោងប្រមាណ៣ព្រឹកថ្ងៃទី១០ ខែកញ្ញា ឆ្នាំ២០១៨។

លោក​ ​កឹម សុខា​ ​ត្រូវ​បាន​សមត្ថកិច្ច​ចាប់​ខ្លួននៅថ្ងៃទី​៣ ខែ​កញ្ញា ឆ្នាំ​២០១៧ ពាក់ព័ន្ធនឹងការប្រព្រឹត្តអំពើ ​«ក្បត់​ជាតិ»​។ លោកត្រូវបានតុលាការ​បញ្ជូន​ទៅ​ឃុំ​ក្នុង​ពន្ធនាគារ​ត្រពាំងផ្លុង ​ខេត្ត​ត្បូងឃ្មុំ ក្រោមការចោទ​ប្រកាន់​ពីបទ សន្ទិដ្ឋិភាព​ជាមួយ​បរទេស តាម​មាត្រា ៤៤៣នៃ​ក្រម​ព្រហ្មទណ្ឌ(ទោសក្បត់ជាតិ) ៕ ប្រសើរ

 

 

Leave a Reply

Your email address will not be published. Required fields are marked *