សម្តេចតេជោ៖ លុយបានពីប្រេង មិនយកមកប្រើចំណាយចរន្តឡើយ គឺសម្រាប់ហេដ្ឋារចន សម្ព័ន្ធបម្រើអភិវឌ្ឍន៍ជាតិ

0
5

ភ្នំពេញៈ  សម្ដេចតេជោ ហ៊ុន សែន នាយករដ្ឋមន្រ្តីកម្ពុជា បានលើកឡើងថា លុយដែលបានពីប្រេង ដែលកម្ពុជា នឹងទទួលបាននូវដំណក់ប្រេង ជាលើកដំបូងនៅចុងឆ្នាំ២០១៩នេះនឹង មិនយកមកប្រើ​ចំណាយលើចរន្តឡើយ តែគឺសម្រាប់កសាងហេដ្ឋារចនាសម្ព័ន្ធ បម្រើអភិវឌ្ឍន៍ជាតិ។

លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានដកស្រង់ប្រសាសន៍របស់សម្ដេចតេជោ ហ៊ុន សែន ក្នុងកិច្ចប្រជុំពេញ អង្គគណៈរដ្ឋមន្ត្រី នាព្រឹកថ្ងៃ ពុធ ១៣កើត ខែភទ្របទ ឆ្នាំ កុរ ឯកស័ក ព.ស.២៥៦៣ ត្រូវនឹងថ្ងៃទី ១១ ខែ កញ្ញា ឆ្នាំ២០១៩ មកបង្ហោះលើបណ្ដាញ ទំនាក់ទំនងសង្គម ហ្វេសប៊ុកថា “នៅពេលដែលយើងមានប្រេង លុយដែលបានពីប្រេងនេះ មិនយកមកប្រើក្នុងចំណាយចរន្តឡើយ តែគឺសំរាប់តែហេដ្ឋារចនាសម្ព័ន្ធបម្រើអភិវឌ្ឍន៍ជាតិ”។

លោក ជៀប សួរ អគ្គនាយកប្រេងកាត នៃក្រសួងរ៉ែ និងថាមពល បានថ្លែងបញ្ជាក់ថា នៅចុងឆ្នាំ២០១៩ខាងមុខនេះ កម្ពុជានឹងទទួលបាននូវ ដំណក់ប្រេងជាលើកដំបូង ហើយនឹងផលិតជាលក្ខណៈពាណិជ្ជកម្ម នៅឆ្នាំ២០២០ផងដែរ ខណៈជាមធ្យមក្នុងមួយថ្ងៃ អាចផលិតបានប្រមាណ ៧ពាន់ប៉ារ៉ែល ។

លោកអគ្គនាយកបានរំលឹកថា ក្រុមហ៊ុន Chevron បានបង្កើតកិច្ចព្រមព្រៀងប្រេងកាតប្លុក A របស់កម្ពុជានៅឆ្នាំ២០០២ ហើយនៅឆ្នាំ២០១៦ ក្រុមហ៊ុន Kris Energy បានទិញភាគហ៊ុនទាំងអស់ពីក្រុមហ៊ុន Chevron លើគម្រោងរុករកប្រេងក្នុងប្លុក A នេះ ។ បច្ចុប្បន្ន ក្រុមហ៊ុន Kris Energy មានភាគហ៊ុន ៩៥% និងរាជរដ្ឋាភិបាលកម្ពុជាមានហ៊ុន៥ភាគរយផងដែរ៕ ប្រសើរ

LEAVE A REPLY

Please enter your comment!
Please enter your name here