ជនសង្ស័យ​៣ម្នាក់​ត្រូវ​កម្លាំង​នគរបាល​សហការ​ជាមួយ​កង​រាជ​អាវុធហត្ថ​ចាប់​ឃាត់ខ្លួនពី​បទ​ប្រើប្រាស់​និង​ជួញ​ដូរ​គ្រឿង​ញៀន​

0
166

 

 

ខេត្តពោធិ៍សាត់៖ កម្លាំងមូលដ្ឋានកងរាជអាវុធហត្ថក្រុងពោធិ៍សាត់សហការជាមួយកំលាំងនគរបាលក្រុង,ប៉ុស្តិ៍រដ្ឋបាលចុះបង្រ្កាបករណីការប្រើប្រាស និងជួញដូរដោយខុសច្បាបនូវសារធាតុញៀន ក្នុងកម្លាំងឃាត់ខ្លួនជាក់ស្ដែងបានជនសង្ស័យចំនួន ៣នាក់ រួមទាំងវត្ថុតាង និងសម្ភារ ដើម្បីកសាងសំណុំឯកសា និងបំពេញនីតិវិធីបញ្ជូនបន្ត។​ហេតុការណ៍​ចុះ​ប្រតិបត្តិការខាងលើធ្វើឡើងកាលពីវេលាម៉ោង១៤ និង៥០នាទី ថ្ងៃទី២១ ខែមីនា ឆ្នាំ២០១៧ ត្រង់ចំណុចទួលវែង ស្ថិតក្នុងភូមិព្រៃឪម៉ាល់ សង្កាត់រលាប ក្រុង-ខេត្តពោធិ៍សាត់។
តាម​ប្រភពព័ត៌មានពីកម្លាំងមូលដ្ឋានកងរាជអាវុធហត្ថក្រុងពោធិ៍សាត់ ដែលបានសហការចុះប្រតិបត្តិការខាងលើប្រាប់ថា ក្នុងយុទ្ធនាការប្រយុទ្ធប្រឆាំងបង្រ្កាបជាក់ស្ដែងនេះឃាត់ខ្លួនជនសង្ស័យចំនួន ៣នាក់ ទី១ ឈ្មោះ ជា ដា ភេទប្រុស អាយុ ១៨ឆ្នាំ សញ្ជាតិខ្មែរ បច្ចុប្បន្ន រស់នៅភូមិ-សង្កាត់កើតហេតុខាងលើ ទី២ ឈ្មោះ រុំ ពន្លក ភេទប្រុស អាយុ ២១ឆ្នាំ សញ្ជាតិខ្មែរ បច្ចុប្បន្ន រស់ខេត្តបន្ទាយមានជ័យ និងទី៣ ឈ្មោះ ហង្ស សីហា ភេទប្រុស អាយុ ២៣ឆ្នាំ សញ្ជាតិខ្មែរ បច្ចុប្បន្ន រស់នៅភូមិទួលត្បែង ឃុំឈើតុំ ស្រុកក្រគរ ខេត្តពោធិ៍សាត់ជា(ម្ចាស់រថយន្ត)ម៉ាក NIZAN RAVARA ពណ៌​កណ្តុរប្រមេះ ពាក់ស្លាកលេខ ភ្នំពេញ 2Z 2770។
តាម​ប្រភព​ដដែល​បាន​ទៀត​តថា ការ​បង្ក្រាប​នេះ​ដកហូតនូវវត្ថុតាងរួមមាន ម្សៅក្រាមពណ៌សថ្លាសង្ស័យជាសារធាតុញៀនចំនួន ០៦កញ្ចប់តូច ឧបករណ៍សំរាប់ប្រើប្រាសគ្រឿងញៀនមួយចំនួន សម្ភារផ្សេងៗ និងរថយន្តដូចបានរាបរបខាងលើចំនួន ១គ្រឿង។

ប្រភពដដែលខាងលើបន្តទៀតថា បច្ចុប្បន្ន ជនសង្ស័យរួមទាំងវត្ថុតាង និងសម្ភារផ្សេងៗ បានបន្តនីតិវិធីនៅអធិការដ្ឋាននគរបាលក្រុងពោធិ៍សាត់ ដើម្បីរៀប​ចំសំណុំ​រឿង​បញ្ជូនបន្តទៅការិយាល័យជំនាញ នៃស្នងការដ្ឋាននគរបាលខេត្តពោធិ៍សាត់ ចាត់ចែងបន្តតាមនីតិវិធីច្បាប់៕​សារ៉េត​

 

 

LEAVE A REPLY

Please enter your comment!
Please enter your name here