ពិន័យកញ្ញា ដេនីក្វាន់ ឈប់ឲ្យមានវត្តមានលើកញ្ចក់ទូរទស្សន៍៣ ទៅ ៥ឆ្នាំ ព្រោះតែសិចស៊ីពេក

0
339

ភ្នំពេញ​ ៖ ក្រសួង​វប្បធម៌​ និង​វិចិត្រសិល្ប​:​ បាន​ហាម​ និង​បិទ​វត្តមាន​តារា​សម្តែង​ដេ​នី ​ក្វា​ន់ ​មិនឱ្យ​ឡើង​សម្តែង​តាម​កញ្ចក់​ទូរទស្សន៍​ចំនួន​ពី​រ-បី​ ទៅ​ប្រាំ​ឆ្នាំ​ ខណៈ​ដែល​នៅតែផ្គើន បញ្ចេញភាពសិចស៊ីហួសព្រំដែនដែលមិន​អាចអត់​អោន​ឱ្យ​​បាន ​។

​នេះ​ជា​ការ​បង្ហាញ​ថា ​ការ​បិទ​មិន​​ឱ្យ​​ដេ​នី ​ក្វាន់ ​ឡើង​ឆាក​ទូរទស្សន៍​ ព្រោះតែ​មិន​មាន​ក្រមសី​លធម៌​ស្លៀកពាក់​ ជា​អ្នកសិល្ប​:​ដែកអាចជា​ការ​ព្រមាន​​ដល់​តារា​ស្រី​មួយ​ចំនួន​ទៀត ​ដែល​ផ្អើល​នាំ​គ្នា​បង្ហាញ​រូប​សិច​ស៊ី​សាជា​ថ្មីយ៉ាងជ្រួលជ្រើម  ​។

កញ្ញាដេ​នី ក្វា​ន់ តារា​លេចធ្លោ​ដោយ​ភាព​សិច​ស៊ី និង​បាន​ធ្វើ​ឱ្យ​​អ្នកគាំទ្រ និង​បណ្ដាញសារព័ត៌មាន​សរសេរ​ដាក់​ទំព័រ​មុខ​មិន​តិច​តាម​រយៈ​ការ​បញ្ចេញ​ភាព​សិច​ស៊ី​នោះ ត្រូវ​បាន​ក្រសួង​វប្បធម៌ និង​វិចិត្រសិល្បៈ​ហាម​គ្រប់​ស្ថានីយទូរទ្សន៍​ពី​ការ​អនុញ្ញាត​ឱ្យ​តារា​រូប​នេះ ​បង្ហាញខ្លួន​ក្នុង​កម្មវិធី​ផ្សេង​ៗ​ ។

យោង​តាម​ប្រភព​ពី​ស្ថានីយទូរទស្សន៍​ក្នុងស្រុក​នៅ​ថ្ងៃនេះ ស្ថានីយ​បាន​ទទួល​សេចក្ដីជូនដំណឹង​ពី​ក្រសួង​វប្បធម៌ និង​វិចិត្រសិល្បៈ​ក្នុង​ការ​បិទ​មិន​អោយ​កញ្ញា ដេ​នី ក្វា​ន់ តារា​សម្ដែង​សិច​ស៊ី ឡើង​បង្ហាញ​វត្តមាន​ក្នុង​កម្មវិធី​ទូរទ្សន៍​នានា​ ៕ វិសាល

 

LEAVE A REPLY

Please enter your comment!
Please enter your name here