(ឡាវេហ្គាស)៖ បន្ទាប់ពីបានតាមដានរយៈពេល ១២តឹករួចមក ស្តេចប្រដាល់សកលលំដាប់លេខ២ ពិភពលោក Manny Pacquiao ទទួលបានជ័យជំនះ បានដណ្តើមខ្សែក្រវាត់របស់ស្ថាប័ន WBO ពីជើងខ្លាំងជនជាតិអាមេរិក Jessie Vargas កាលពីថ្ងៃអាទិត្យ ទី៦ ខែវិច្ឆិកា ឆ្នាំ២០១៦នេះ នៅលើទឹកដីអាមេរិក។
សូមបញ្ជាក់ថាសម្រេចចិត្តវិលមកកាន់សង្វៀនប្រដាល់ ជាថ្មីរបស់កីឡាករនិម្មិតរូបរបស់ ហ្វីលីពីន ដែលមានរហស្សនាមថា «Pacman» បន្ទាប់ពីកីឡាករវ័យ ៣៧ឆ្នាំ ទម្ងន់ ៧០គីឡូក្រាមរូបនេះ បានប្រកាសចូលនិវត្តន៍ពីអាជីពឈឺសាច់មួយរយៈ ក្រោយពេលផ្តួលជើងខ្លាំង Timothy Bradley ជាលើកទី២ ដោយពិន្ទុជាឯកច្ឆន្ទកាលពីខែមេសា ឆ្នាំ២០១៦កន្លងទៅ ដោយមូលហេតុយកពេលវេលាទៅបម្រើនយោបាយ នៅក្នុងប្រទេសរបស់ខ្លួនវិញ៕ មនោ
