ចេញផ្សាយ:24.12.2020
ភ្នំពេញ÷ នៅព្រឹកថ្ងៃទី២៤ ខែធ្នូ ឆ្នាំ២០២០នេះ សម្តេចអគ្គមហាពញាចក្រី ហេង សំរិន ប្រធានរដ្ឋសភាបានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ដោយបានអនុម័តកំណត់កាលបរិច្ឆេទបន្តសម័យប្រជុំរដ្ឋសភាលើកទី៥ នីតិកាលទី៦ នៅព្រឹកថ្ងៃទី២៩ ខែធ្នូ ឆ្នាំ២០២០ ខាងមុខ។ គណៈកម្មាធិការអចិន្រ្តៃយ៍រដ្ឋសភា នាពេលនោះនឹងអនុម័តរបៀបវារៈចំនួនពីរ គឺការប្រកាសសុពលភាពនៃអាណត្តិតំណាងរាស្រ្តទំាងពីររូប មាន លោក លី ស៊ុគ្រី ជាតំណាងរាស្រ្តថ្មីមណ្ឌលខេត្តតាកែវ ជំនួស លោក សុខ សូកាន ដែលបានសុំលាលែង និងលោក សៅ ស៉ារ៉ាត់ ជាតំណាងរាស្រ្តថ្មីមណ្ឌលខេត្តប៉ៃលិន ជំនួស លោកស្រី បាន ស្រីមុំ ដែលបានលាលែងទៅកាន់តំណែងជាអភិបាលខត្តប៉ៃលិន។
ក្នុងសម័យប្រជុំរដ្ឋសភានេះដែរ នឹងរៀបចំបោះឆ្នោតជ្រើសតំាង លោក ខៀវ ភារិទ្ធ ជាសមាជិកគណៈកម្មការអបរំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ និងជ្រើសតំាងលោកស្រី នូ សុវណ្ណនី ជាសមាជិកាគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ ផងដែរ ៕
ប្រសើរ
