អ្នក​គ្រូ​បង្រៀនសាលា​ព្រះយេស៊ូវ​ម្នាក់​ត្រូវ​ចោរ​ប្លន់​បាន​សំរេច​​ដោយ​សុវត្តិភាព​

 

 

 

 

​ភ្នំពេញ៖​ ក្រុម​ចោរ​ចំនួន​៣​នាក់ បាន​ធ្វើស​កម្ម​ភាព​មក​គៀរ​និង​ធាក់​ផ្តួល​ម៉ូតូ របស់​អ្នក​គ្រូ​បង្រៀន​ម្នាក់​បាន​សម្រេច​ហើយ​ជិះ​រត់ តែ​រត់​មិន​រួច​ពីអន្ទាក់​របស់​សមត្ថកិច្ច​និងប្រជា​ពល​រដ្ធ​​ដេញ​ស្ទាក់​ចាប់​បាន​២​នាក់ វាយ​ឡើង​ទ្រោម​ខ្លួន ហេតុ​ការណ៍នេះ​បាន​បង្ក​ការ​ភ្ញាក់​ផ្អើល​កាល​ពី​វេលា​ម៉ោង​ ៨​និង​២០​នាទី​ព្រឹក​ ថ្ងៃ​ទី​០៨​ ខែ​វិចិ្ឆកា​ ឆ្នាំ​២០១៧​ ដែល​ស្ថិត​នៅ​ត្រង់​ចំណុច​ផ្លូវ​លំ​ ភូមិ​ថ្ន​ល់​បន្ទាយ​ សង្កាត់​ពន្សាំង​ ខណ្ឌ​ព្រែក​ព្នៅ​ ។

ជន​សង្ស័យ​ទាំង​​២​នាក់​ខាង​លើ​​ទី​១-ឈ្មោះ​ ជួន​ ធី​ ហៅម៉ាប់​ ភេទប្រុស​ អាយុ​ ៥០ឆ្នាំ​ មុខ​របរ​ មិន​ពិត​ប្រាកដ​ មាន​ទី​លំ​នៅ​ភូមិ​ម្រេះ​ពេន​ ឃុំ​ម្រេះ​ពេន​ ស្រុក​សំរោង​ ខេត្ត​តាកែវ​ និង​ទី​២-ឈ្មោះ​ គឹម​ ទីននីន​ ហៅ​ទីន​ ភេទ​ប្រុស​ អាយុ​ ៣០ឆ្នាំ​ មុខ​របរ​ មិន​ពិត​ប្រាកដ​ (ទើបតែ​ចេញ​ពី​ពន្ធ​ធា​គារ​រយៈ​ពេល​​១​ខែ​​ពី​បទ​ ឆក់​កាបូប) ស្នាក់​នៅ​ម្តុំ​លូ​៥​ សង្កាត់​ស្ទឹង​មាន​ជ័យ​ ខណ្ឌ​មាន​ជ័យ​ ។​ ចំណែក​ឯ​ស្ត្រី​រងគ្រោះ​មាន​ឈ្មោះ​ ផាន់​ ចន្តា​ អាយុ​ ៣២ឆ្នាំ​ មុខរបរ​ គ្រូបង្រៀន​ ស្នាក់នៅភូមដើមច័ន្ទ​ សង្កាត់ពន្សាំង​ ខណ្ឌ​ព្រែកព្នៅ ។

បើ​តាម​សម្ដី​របស់​ជនរងគ្រោះ​បាន​ប្រាប់​ឲ្យ​ដឹង​ថា​ នៅ​មុន​ពេល​កើត​ហេតុ​ ជនរងគ្រោះ​បាន​ឌុប​​កូន​ក្មួយ​ប្រុស​​២​នាក់​​អាយុ​ ៤ឆ្នាំ​ដោយ​ចេញ​ពី​ផ្ទះ​ ក្នុង​គោលបំណង​ជូន​កូន​ក្មួយ​ទៅ​រៀន​ ហើយចែក​សៀវភៅ​អោយ​សិស្ស​នៅ​វិទ្យា​ល័យ​ ​បឹង​ព្រៃ​ បន្ទប់ពីចែក​សៀវ​ភៅ​អោយ​សិស្ស​រួច​ រូបគាត់​បាន​ជិះ​ម៉ូតូ​ម្នាក់​ឯង​ចេញ​ពី​សាលា​ខាង​លើ​ ដើម្បី​ទៅ​បង្រៀន​សិស្ស​នៅ​សាលា​​ព្រះយេស៊ូវ​មួយ​កន្លែង​ទៀត​ ខណៈ​ដែល​​ជិះ​បាន​ចម្ងាយ​ប្រហែល​ ១០០​ម៉ែត្រ​ពី​សាលា​ ស្រាប់​តែ​មាន​ជន​សង្ស័យ​ចំនួន​ ៣នាក់​បាន​ម៉ូតូ​ មួយ​គ្រឿង​មិន​ចាំ​ម៉ាក​​តាម​ក្រោយ​។ហើយ​មក​ដល់​ចំណុច​កើត​ហេតុ​ពួក​គេ​បាន​ជិះ​គៀរ​ម៉ូតូ​របស់​ស្ត្រី​រងគ្រោះ​បណ្តាល​អោយ​ដួល​ ហើយ​បក្ខពួក​ជនសង្ស័យ​ម្នាក់​ដែល​ជិះ​ខាង​ក្រោយ​បាន​ស្ទុះ​លាត​ចុះ​ពី​លើម៉ូតូ​ពួក​គេ​ ហើយ​ទៅ​លើក​ម៉ូតូ​ជន​រងគ្រោះ​ ដើម្បី​លើក​ជិះ​ ហើយ​ជនរងគ្រោះ​បាន​ស្រែក​ឆោ​ឡោ​អោយ​គេ​ជួយ​​ភ្លាម​ៗ​នោះ​ ជនសង្ស័យដែល​លើក​ម៉ូតូ​ជន​រងគ្រោះ​នោះ​ បាន​វាយ​ទៅ​​ចំ​មុខ​ស្ត្រី​រង​គ្រោះ​មួយ​ដៃ​បណ្តាល​អោយ​ដួល​ រួចហើយ​ក៏​បាន​គំរាម​ទៅ​ស្ត្រី​រងគ្រោះ​​ខាង​លើ​ និង​ប្រាប់​ទៅ​បក្ខ​ពួក​ថា​ អោយ​យក​កាំភ្លើង​មក​បាញ់​ ហើ​យ​ពេល​នោះ​ ជនរងគ្រោះ​ក៏​លែង​ស្រែក​ឆោ​ឡោ​​ ខ្លាច​ពួក​វា​បាញ់​សម្លាញ់​ រួច​មក​ជន​សង្ស័​យ​ទាំង​ ៣នាក់បាន​នាំគ្នាយក​ម៉ូតូ​ជនរងគ្រោះ​ជិះ​គេច​ខ្លួន​បាត់ ។​

ក្រោយ​ទទួល​បាន​ពាក្យ​បណ្តឹង​ពី​ជន​រង​គ្រោះ​ សមត្ថ​កិច្ច​ខណ្ឌ​ព្រែក​ព្នៅ​ បានសហការ​ជាមួយ​សមត្ថកិច្ច​ប៉ុស្តិ៍​ពន្សាំង​ ធ្វើការ​ដេញ​តាម​ជន​សង្ស័យ​ទាំង​ ៣​នាក់​នោះ​ភ្លាម​ៗ​ រហូត​មក​ដល់​ចំណុច​មុខ​ផ្សារ​​ព្រែក​ព្នៅ​ ទើប​កម្លាំង​សមត្ថិច្ច​ឃាត់​ខ្លួន​បាន​ជន​សង្ស័យ​​២​នាក់​ និងដក​ហូត​បាន​ម៉ូតូ​​ជន​រងគ្រោះ​មក​ ចំណែក​ឯបក្ខ​ពួក​គេ​ម្នាក់​ទៀត​បាន​រត់​គេច​ខ្លួន​បាត់​។

បច្ចុប្បន្ន​ជន​សង្ស័យ​ទាំង​ សមត្ថកិច្ច​ខណ្ឌ​ព្រែក​ព្នៅ​បាន​ធ្វើឯក​សារ​ប្រគល់​ម៉ូតូ​ទៅ​អោយ​ជន​រង​គ្រោះ​វិញ។​ ចំណែក​២​នាក់​ខាង​លើ​ ត្រូវ​បាន​សមត្ថ​កិច្ចឃុំ​ខ្លួន​ជា​បណ្តោះ​អាសន្ន​នៅ​អធិការ​ដ្ឋាន​នគរបាល​ខណ្ឌ​ព្រែក​ព្នៅ​ ដើម្បី​កសាង​សំ​ណុំ​រឿងចាត់​ការ​បន្ត​តាម​នីតិ​វិធី​ច្បាប់ ៕បញ្ញា​

 

 

 

Leave a Reply

Your email address will not be published. Required fields are marked *