បន្ទាយមានជ័យ៖នៅវេលាម៉ោង៨និង៤០នាទីយប់ថ្ងៃទី១០ខែវិច្ឆិកាឆ្នាំ២០១៧នេះស្ថិតនៅតាមបណ្ដោយផ្លូវជាតិលេខ៥ ត្រង់ចំណុចខាងមុខសណ្ឋាគារសុង ដារ៉ា ស្ថិតនៅក្នុងភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជយ័។មានករណីគ្រោះថ្នាក់ចរាចណ៍មួយបានកើតឡើង ដោយមានបុរសវ័យជាង៣០ម្នាក់បានឡើងតោងរថយន្តដឹកទំនិញរបស់ជនជាតិថៃរបូតដៃធ្លាក់បណ្តាលឲ្យរងរបួសជាទម្ងន់។
ជនរងគ្រោះមានឈ្មោះ សុខ តុលា ភេទប្រុសអាយុប្រហែលជាង៣០ឆ្នាំ មានស្រុកកំណើតនៅស្រុកព្រះស្តេច ខេត្តព្រៃវែង។ចំណែកម្ចាស់រថយន្តបង្កមានឈ្មោះសុ ធីណាន់ ភេទប្រុសអាយុ៣៣ឆ្នាំ ជនជាតិថៃមុខរបតៃកុងរថយន្ត រស់នៅខេត្តហ្គោនគែន ប្រទេសថៃ បើកបររថយន្តប្រភេទដឹកទំនិញពាក់ស្លាក់លេខស្រះកែវ 70-1014។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេបានឃើញរថយន្តដឹកទំនិញរបស់ជនជាតិថៃខាងលើបានបើបរក្នុងទិសដៅពីកើតទៅលិចក្នុងគោលបំណងចូលទៅប្រទេសថៃ។លុះមកដល់ចំណុចកើតហេតុខាងលើក៏ស្រាប់តែបុរសរងគ្រោះធ្លាក់ពីលើរថយន្តផ្នែកខាងក្រោយបណ្តាលឲ្យបែកក្បាលនិងបាក់ជើងខាងស្តាំ។
តាមសម្ដីរបស់តៃកុងរថយន្តដែលជាជនជាតិថៃបានឲ្យដឹងថា ខ្លួនមិនបានដឹងថាមានមនុស្សនៅខាងក្រោយរថយន្តនោះទេ ខណៈដែលកំពុងតែបើកក៏ស្រាប់តែមានមនុស្សធ្លាក់ពីលើរថយន្តរបស់ខ្លួនទៅវិញបង្កឲ្យមានការភ្ញាក់ផ្អើលដូច្នេះ។
តាមប្រភពពីអ្នករត់ម៉ូតូឌុបបានបញ្ជាក់ថា រាល់ពេលកន្លងមកជនរងគ្រោះតែងតែដើរលើទ្រូងផ្លូវដោយមិនខ្លាចមានគ្រោះថ្នាក់កើតឡើងឡើយ សង្ស័យអាចជាមនុស្សសន្តិមិនគ្រប់ផង។
ក្រោយពីកើតហេតុកម្លាំងនគរបាលក្រុងប៉ោយប៉ែតបានចុះធ្វើការវាស់វែងនិងទំនាក់ទំនងហៅរថយន្តរបស់មន្ទីពេទ្យបង្អែកដីថ្មី ដើម្បីជួយសង្គ្រោះបន្ទាន់។ដោយឡែករថយន្តបង្ករបស់ជនជាតិថៃត្រូវបានកម្លាំងនគរបាលនាំយកទៅរក្សាទុកនៅអធិការដ្ឋាននគរបាលក្រុងប៉ោយប៉ែតរងចាំដោះស្រាយគ្នាជាក្រោយ៕ សិរសារ