ភ្នំពេញ៖ម៉ូតូហុងដាបុកម៉ូតូណៃហតពេញមួយទំហឹងសង៥០$ដើម្បីបញ្ចប់រឿង។ហេតុការណ៍នេះកើតឡើងកាលពីវេលាម៉ោង២២៖៤៥នាទីយប់ថ្ងៃទី១០ខែវិច្ឆិកាឆ្នាំ២០១៧ស្ថិតនៅតាមបណ្តោយផ្លូវ២៦១កែង១៩២ក្នុងសង្កាត់ទឹកល្អក់៣ខណ្ឌទួលគោករាជធានីភ្នំពេញ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់វ័យប្រហែល៣៥ឆ្នាំ ជិះម៉ូតូម៉ាកណៃហតពណ៌ខ្មៅមិនស្កាល់ស៊េរីពាក់ស្លាកលេខភ្នំពេញ1AP-9328ធ្វើដំណើរក្នុងទិសដៅពីត្បូងទៅជើងស្រាប់តែមកដល់ចំណុចកើតហេតុក៏មានបុរសម្នាក់វ័យប្រហែល២៧ឆ្នាំម្នាក់ទៀតជិះម៉ូតូម៉ាកHonda dream C 125ពណ៌ខ្មៅស៊េរី២០១២ពាក់ស្លាកលេខភ្នំពេញ1BG-4551ធ្វើដំណើរក្នុងទិសដៅពីកើតទៅលិចយ៉ាងលឿនក៏មកបុកម៉ូតូណៃហតពេញមួយទំហឹងបណ្តាលអោយខ្ទាតប្រហែល៣០ម៉ែត្រពីកន្លែងកើតហេតុបណ្តាលរងរបួសខ្លួនឯង។ភ្លាមៗនោះក៏មានកម្លាំងនគរបាលជិះម៉ូតូដើរល្បាតនៅជិតនោះមកជួយអន្តរាគមន៍ដើម្បីសម្របសម្រួល ដោយម្ចាស់ម៉ូតូHondaព្រមសងសំណងទៅម្ចាស់ម៉ូតូណៃហតចំនួន៥០$ដើម្បីបញ្ជប់រឿង៕ខុងមុីង