ភ្នំពេញ៖ នារីម្នាក់ចេញពីសាលារៀនត្រលប់ទៅផ្ទះវិញលុះជិះម៉ូតូជិតដល់ផ្ទះទៅហើយស្រាប់តែមាន បុរសជាជនសង្ស័យ២នាក់ បានជិះម៉ូតូចំនួន២គ្រឿង បានធ្វើសកម្មភាព ភ្ជង់ប្លន់យកកាបូបលុយបានសម្រេច តែបន្សល់ទុកម៉ូតូរបស់ជនសង្ស័យមួយគ្រឿងនៅកន្លែងកើត។ហេតុការណ៍នេះបានកើតឡើងនៅវេលាម៉ោង ៨និង៣០នាទីយប់ ថ្ងៃទី១៤ ខែវិច្ឆកា ឆ្នាំ២០១៧ ស្ថិតនៅចំណុចផ្លូវបេតុងអត់លេខ ក្បែរនិង តេប៉ូ ប្រេងឥន្ធនះតេលាភូមិភ្នាត សង្កាត់ស្ទឹងមានជ័យ២ ខណ្ឌមានជ័យ ។
ជនរងគ្រោះមានឈ្មោះ ឈាវ វិច្ឆការ ភេទស្រី អាយុ២២ឆ្នាំ មុខរបប បុកលិគ្គក្រុមហ៊ុនឯកជន ស្នាក់នៅ ផ្ទះលេខ១២ ផ្លូវលេខបេតុង១៨ ភូមិភ្នាត សង្កាត់ស្ទឹងមានជ័យ២ ខណ្ឌមានជ័យ ។សម្ភារៈដែលជនសង្ស័យប្លន់យកទៅនៅក្នុងកាបូបមានទូរស័ព្ទចំនួន២គ្រឿងម៉ាក iphon5មួយនិងiphon 7 មួយគ្រឿងកាតATM ចំនួន៤សន្លឹកកាតវីងមួយសន្លឹក និងលុយមួយចំនួនតូច ។
តាមសម្តីជនរងគ្រោះបានអោយដឹងថា មុនពេលកើតហេតុរូបនាងបានជិះម៉ូតូ ម៉ាក់ ស៊ុយសុគី ឡែកពណ៌ស ពាក់ស្លាកលេខ ភ្នំពេញ 1GF 9978 ចេញពីសាលា រូ នៅបឹងត្របែក គោលបំណងត្រលប់ទៅវិញ ជិតកន្លែងកើតហេតុ។លុះធ្វើដំណើរមកដល់ចំនុចកើត ក៏ស្រាប់តែមានជនសង្ស័យ២នាក់បាន ជិះម៉ូតូពីរគ្រឿងមកឈប់ចាំតាំងពីពេលណានោះទេ ហើយពេលឃើញរូបនាងជិះម៉ូតូទៅដល់ ស្រាប់តែជនសង្ស័យទាំងនោះបាន ដកកាំភ្លើងខ្លីមួយដើមមិនចាំម៉ាកមកភ្ជង់គំរាមរូបនាងអោយចុះពីលើម៉ូតូ តែពេលនោះរូបនាងបានឆោឡោឡើងស្រែកថាចោរៗផ្អើលដល់ប្រជាពលរដ្ឋនោះចេញមកព្រោងព្រាត ធ្វើអោយជនសង្ស័យភ័យពេក ក៏បានយកកាបូបស្ពាយពីរូបនាង ហើយជិះម៉ូតូគេចខ្លួនបាត់ តែជនសង្ស័យបានបន្សល់ទុកម៉ូតូរបស់ពួកគេមួយគ្រឿង ម៉ាក AIR BLACK ពណ៌ស ពាក់ស្លាកលេខភ្នំពេញ 1L 5648 នៅកន្លែងកើតហេតុ ។
ក្រោយពេលកើតហេតុ រូបនាងជាជនរងគ្រោះ ត្រូវបានក្រុមគ្រួសារដឹកយកទៅដាក់ពាក្យបណ្តឹងនៅប៉ុស្តិ៍នគរបាលស្ទឹងមានជ័យ២៕បញ្ញា