ស្រាយគំនុំចាស់យកចបនិងពូថៅកាប់ក្បាលគូបដិបក្ខទាល់តែស្លាប់

0
203

ព្រះសីហនុៈ អំពើហិង្សាដោយគំនុំមួយបណ្តាលឲ្យយុវជនម្នាក់ បានរងរបួសធ្ងន់ ហើយស្លាប់​តាមផ្លូវពេលបញ្ជូនទៅសង្គ្រោះនៅ​មន្ទីរពេទ្យ បន្ទាប់ពី​ជនដៃដល់៣នាក់ជាគូបដិបក្ខ ប្រដាប់​ដោយ​ពូថៅ និងចបវាយមិនញញើតដៃ ដោយសារទំនាស់ពាក្យសម្ដីនាពេលកន្លងមក​។

ករណីហិង្សាខាងលើនេះ បានកើតឡើងកាលពីវេលាម៉ោង១០និង៣០នាទីយប់ថ្ងៃទី១៦ ខែវិច្ឆិកា ឆ្នាំ២០១៧  ស្ថិតក្នុងភូមិបត់សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ ហើយក្រោយកើតហេតុ ជនសង្ស័យទាំង៣នាក់ត្រូវសមត្ថកិច្ចឃាត់ខ្លួន ។

សមត្ថកិច្ចបានឲ្យដឹងថា ជនសង្ស័យទី​១.ឈ្មោះ សួន ចន្ធូ ភេទប្រុស អាយុ១៧ឆ្នាំ មុខរបរកម្មករធ្វើនំបញ្ជុក។ ២.ឈ្មោះ ពិន ភក្រ័ ភេទប្រុស អាយុ២៦ឆ្នាំ មុខរបរកម្មករសំណង់។ ៣.ឈ្មោះ ប្រុស សុភា ភេទប្រុស អាយុ២៧ឆ្នាំ មុខរបរកម្មករសំណង់។ ជនសង្ស័យទាំង៣មានទីលំនៅកន្លែងកើតហេតុខាងលើ ។

សមត្ថកិច្ច បានឲ្យដឹងថា ជនដៃដល់ទាំង៣នាក់ បានប្រើចបជីក និងពូថៅព្រមទាំងចបកាប់ បានវាយទៅលើជនរងគ្រោះឈ្មោះ អោម សៅ  ភេទប្រុស អាយុ១៩ឆ្នាំ  មុខរបរកម្មករ​សំណង់  មានទីលំនៅដូចកន្លែងកើតហេតុ បណ្តាលឲ្យរបួសធ្ងន់ រួចបានស្លាប់តាមផ្លូវ​ក្រោយពេលបញ្ជូនទៅមន្ទីពេទ្យខេត្តព្រះសីហនុ ដោយសារកន្លងមកជនរងគ្រោះ និងជនសង្ស័យកន្លងមកធ្លាប់ឈ្លោះគ្នា។

បច្ចុប្បន្នជនសង្សយ័ទាំង៣នាក់ ត្រូវបាននគរបាលឃាត់ខ្លួនបណ្តោះអាសន្ននៅអធិការដ្ឋានស្រុក ដើម្បីចាត់ការតាមផ្លូវច្បាប់។ ចំណែកសាកសព សមត្ថកិច្ចបានប្រគល់  ឲ្យ​ក្រុមគ្រួសារយកទៅធ្វើបុណ្យតាមប្រពៃណី៕ សំបូរ

LEAVE A REPLY

Please enter your comment!
Please enter your name here