ភ្នំពេញ ៖នារីម្នាក់បាននាំប្តីនឹងម្តាយទៅមើលប្អូនជីដូនមួយត្រូវប្តីវាយ អោយទៅសួរនាំហាមកុំអោយវាយបន្តទៀតរួចប្តីត្រឡប់ទៅផ្ទះមុន បន្ទាប់មកបានដើរមកយកប្រពន្ធស្រាប់តែមានជនសង្ស័យដេញវាយប្តី ខណៈនោះជនរងគ្រោះស្រែកភ័យស្លុតគាំងបេះដូងស្លាប់នៅកន្លែង។ហេតុការណ៍នេះបង្កអោយមានការភ្ញាក់ផ្អើលកាលវេលាម៉ោង ១០យប់ថ្ងៃទី២០ខែវិច្ឆិកាឆ្នាំ២០១៧ នៅដីវាល ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ។
សពឈ្មោះគឹម ណារីភេទស្រីអាយុ២៣ឆ្នាំមានកូនក្នុងផ្ទៃចំនួន៤ខែ មុខរបរលក់បាយជាមួយម្តាយ ស្នាក់នៅភូមិ ចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ មានស្រុកកំណើតនៅភូមិព្រៃព្រីងខាងជើងសង្កាត់ចោមចៅ ខណ្ឌពោធិ៍សែនជ័យ ។ចំណែកឯប្តីឈ្មោះ នៅ សារ៉ែនភេទប្រុសអាយុ ២០ឆ្នាំ មុខរបរកម្មករសំណង ស្នាក់នៅ ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យមានស្រុកំណើតនៅ ភូមិតាហ៊ឃុំតាកូវស្រុកកំពង់ត្របែកខេត្តព្រៃវែង ។
តាមប្រភពព័ត៌ពីបុរសជាប្តីរបស់សព បានអោយដឹងថា នៅមុនពេលកើតហេតុរូបគាត់នឹងប្រពន្ធបានទិញស្រាមកហូបពីរនាក់ ដោយអោយប្រពន្ធហូបចំនួន២កំប៉ុងព្រោះប្រពន្ធចង់ហូបសាច់ទា។បន្ទាប់មកបានតេហៅប្អូនជីដូនមួយ ២នាក់ទៀតមកហូបជាមួយលុះផឹកល្មមហើយ ប្អូនជីដូនមួយខាងលើ បានត្រឡប់ទៅផ្ទះវិញ រហូតមួយសន្ទុះក្រោយមកស្រាប់តែ លឺដំណឹងថា ប្អូនជីដូនមួយដែលហូបជាមួយខ្លួន បានវាយប្រពន្ធ ហើយរូបគាត់នឹងប្រពន្ធព្រមទាំងម្តាយក្មេក នឹងម្តាយប្អូនជីដូនមួយមានគ្នា៤នាក់ បានទៅជួយឃាត់កុំអោយវាយប្រពន្ធ ដោយប្រពន្ធប្អូនជីដូនមួយកូូនខ្ចីផង។ពេលនោះរូបគាត់បានត្រឡប់ទៅផ្ទះមុនតែឯង ក្រែងប្អូនជីដូនមួយខឹង រករឿងវាយខ្លួន ហើយគាត់ត្រឡប់ទៅបន្ទប់ជួលមុនទៅ ។ លុះរូបគាត់ទៅដល់បន្ទប់ហើយនឹកឃើញថា ប្រពន្ធដើរមកម្នាក់ឯង តាមផ្លូវងងឹត ហើយរូបគាត់បានកាន់ពិល ទៅយកប្រពន្ធវិញពេលដើរត្រឡប់បានពាក់កណ្តាលផ្លូវបានជួបប្រពន្ធនៅចំណុចដីវាល កន្លែងកើតហេតុស្រាប់តែមានជនសង្ស័យមានគ្នា៤នាក់ក្នុងនោះមានប្អូនម្នាក់ផងដែរ បានស្ទាក់វាយរូបគាត់ តែម្នាក់ឯងហើយប្រពន្ធឃើញគេដេញវាយប្តី បានស្រែកថា កុំវ៉ៃប្តីអញៗ ពេលនោះប្តីកំពុងតែរត់ភ័យដែលគេដេញវាយ បានក្រឡេកទៅមើលប្រពន្ធ ឌួលហើយរត់មករកប្រពន្ធវិញ ស្រាប់តែប្រពន្ធស្លាប់បាត់ទៅហើយ ដោយឡែកជនសង្ស័យទាំង៤នាក់ខាងលើ បានរត់គេចខ្លួនបាត់។ប្រភពបានបន្តទៀតថា នៅពេលនោះជនរងគ្រោះបានស្លាប់បាត់ទៅហើយ តែរូបគាត់នឹងឪពុកម្តាយក្មេកមិនអស់ចិត្ត បានហៅរថយន្តសង្គ្រោះមកដឹកយកទៅព្យាបាល នៅពេលនោះដឹកបានបន្តិចឈប់ ដោយដឹងថាជនរងគ្រោះខាងលើស្លាប់បាត់ទៅហើយ បន្ទាប់មកបានរាយការណ៍ដល់អាជ្ញាធរនឹងសមត្ថកិច្ចភ្លាមៗផងដែរ។
ក្រោយពេលកើតហេតុខាងលើ សពត្រូវបានក្រុមគ្រួសារយកទៅតំកល់នៅវត្ត ជម្ពូវ័នដើម្បីរងចាំជំនាញធ្វើសោកល្យវិច័យ បន្ទាប់មកក្រុមគ្រួសារមិនប្តឹងផ្តល់អ្វីទេ ដោយគិតថាសាកសពជនរងគ្រោះធ្លាប់មានជំងឺប្រចាំកាយនឹងខ្សោយបេះដូងផង៕សារ៉េត