ភ្នំពេញ៖រម៉កលក់នំប័ងម្នាក់បើកឆ្លងផ្លូវ ត្រូវបុរសម្នាក់ទៀតបើកម៉ូតូមិនប្រយ័ត្នបុកចំពីមិខពេញទំហឹងបណ្តាលអោយរងរបួសធ្ងន់។ហេតុការណ៍នេះបង្កអោយមានការភ្ញាក់ផ្អើលកាលវេលាម៉ោង ៧យប់ថ្ងៃទី២២ខែវិច្ឆិកាឆ្នាំ២០១៧ ស្ថិតនៅតាមបណ្តោយផ្លូវ ជាតិលេខ៤ភូមិអង្គកែវ សង្កាត់ចោចៅ៣ ខណ្ឌពោធិ៍សែនជ័យ។
ជនរងគ្រោះមិនត្រូវបានស្គាល់ឈ្មោះនោះទេ ដោយជិះម៉ូតូម៉ាកឌ្រីមសងសេរី២០១៧ ពណ៌ខ្មៅពាក់ស្លាក់លេខភ្នំពេញ 1GO-2600បើកបរក្នុងទិសដៅពីលិចទៅកើត រងរបួសធ្ងន់។ចំណែករម៉កលក់នំប័ងសាច់ជិះម្នាក់ឯងបើកបរឆ្លងផ្លូវពីជើងទៅត្បូង ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញម៉ូតូរងគ្រោះបើកបរក្នុងទិសដៅពីលិចទៅកើត។លុះមកដល់ចំណុចកើតហេតុក៏ឃើញរម៉កលក់នំប័ងសាច់បើកឆ្លងផ្លូវពីជើងទៅត្បូងជិតផុតស្រាប់តែម៉ូតូរងគ្រោះខាងលើជាន់ហ្វាងមិនទាន់បានបុករម៉កលក់នំប័ងសាច់ចំពីមុខពេញទំហឹង បណ្តាលអោយបោកក្បាលកញ្ចក់ទូរនំប័ងសាច់នឹងថ្នល់រងរបួសធ្ងន់។ចំណែករម៉កនំប័ងសាច់ធ្លាក់ពីលើរម៉ករាយពេញផ្លូវ ភ្លាមនោះជនរងគ្រោះត្រូវបានរថយន្តសង្គ្រោះឯកជន សម្ភពរស្មីដឹកយកទៅសង្រ្គោះភ្លាមៗផងដែរ។
ក្រោយពេលកើតហេតុកម្លាំងនគរបាលប៉ុស្តិ៍ចោមចៅ៣ចុះទៅកន្លែងកើតហេតុដើម្បីធ្វើចរាចរណ៍បាញ់ថ្នាំលើកម៉ូតូនិងរម៉កដាក់អែបខាងសំរួលចរាចរណ៍នឹងប្រគល់អោយជំនាញចរាចរណ៍ខណ្ឌពោធិ៍សែនជ័យវាស់វែងយកទៅរក្សាទុករងចាំការដោះស្រាយថ្ងៃក្រោយ៕សារ៉េត