រថយន្តស៊េរីទំនើបឆ្លងផ្លូវមិនប្រយ័ត្នត្រូវម៉ូតូធូដេបុករងការខូចខាត

0
148

 

 

 

ភ្នំពេញ៖ រថយន្តម៉ាកGS មួយគ្រឿងបើកឆ្លងផ្លូវមិនប្រយ័ត្តក៏ត្រូវយុវជន២នាក់ជិះម៉ូតូគ្រឿង​ជ្រុលបុកពីចំហៀងពេញទំហឹងបណ្តាលអោយរងរបួស។ហេតុការណ៍​នេះ​បង្ក​អោយ​មាន​ការ​ភ្ញាក់​ផ្អើល​កាលពីវេលាម៉ោង១១យប់ថ្ងៃទី២២ខែវិច្ឆិកា ឆ្នាំ២០១៧ នៅចំណុចមុខផ្សារស្ទឹងមានជ័យចាស់ស្ថិត​តាមបណ្តោយផ្លូវ២១៧​ក្នុងសង្កាត់ស្ទឹងមានជ័យ១ ខណ្ឌមានជ័យ។

តាម​ប្រភព​ព័ត៌មានពី​កន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់បើករថយន្តម៉ាកGS ព័ត៌ស ពាក់ស្លាកលេខភ្នំពេញ2AQ 7795 ធ្វើដំណើរតាមបណ្តោយផ្លូវលេខ២១៧ ក្នុងទិសដៅពី ជើងទៅត្បូង ខណះមកដល់ចំណុចកើតហេតុក៏បានបតឆ្លងផ្លូវមកខាងឆ្វេងដៃស្រាប់តែមានយុវជន២នាក់ជិះម៉ូតូម៉ាកធូដេ ពណ៍ខ្មៅ ពាក់ស្លាកលេខភ្នំពេញ1GF 5028 តាមបណ្តោយផ្លូវលេខ២១៧ ក្នុងទិសដៅត្បូងទៅជើងចាប់ហ្វ្រាំងមិនទាន់ក៏ជ្រុលបុកពីចំហៀងទ្វាពេញទំហឹងបណ្តាលអោយបោកខ្ទប់រងរបួសផងដែរ ចំនណែករថយន្តនិងម៉ូតូរងការខូចខាតទាំងសងខាង។

ក្រោយពេលកើតហេតុ​កម្លាំង​នគរ​បាល​មូល​ដ្ឋាន​ចុះមកដល់ចំណុចកើតហេតុដើម្បី​ធ្វើ​ចរាចរណ៍​ព្រម​ទាំង​យក​រថយន្ត​បង្ក​ហេតុ​នឹង​ម៉ូតូ​ជន​រង​គ្រោះ​រក្សា​ទុក​រង​ចាំ​ការ​ដោះ​ស្រាយ​នៅ​ពេល​ក្រោយ​៕សារ៉េត​

 

 

 

LEAVE A REPLY

Please enter your comment!
Please enter your name here