រថយន្តឡិចសុីសRX300បត់ឆ្លងផ្លូវមិនប្រយ័ត្នត្រូវម៉ូតូបុកពេញទំហឹងបណ្តាលអោយរងរបួសធ្ងន់ស្រាល២នាក់

0
149

 

 

 

ភ្នំពេញ៖ យុវជនម្នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម្នាក់ទៀតរងរបួសស្រាល​ ខណៈ​ដែល​ជិះម៉ូតូឌុប​គ្នា​ជាន់​ហ្វ្រាំងមិនទាន់ក៏ជ្រុលបុករថយន្តឡិចសុីសRX300 បើកឆ្លងផ្លូវចំពីចំហៀងពេញទំហឹង។ហេតុការណ៍​នេះ​បង្ក​អោយ​មាន​ការ​ភ្ញាក់​ផ្អើល​កាលពីវេលាម៉ោង៩យប់ថ្ងៃទី២៣ ខែវិច្ឆិកា ឆ្នាំ២០១៧ ស្ថិត​នៅផ្លូវព្រះនរោត្តម កែងផ្លូវ៣៧០​ក្នុងសង្កាត់ទន្លេបាសាក់ ខណ្ឌចំកាមន រាជធានីភ្នំពេញ។

តាម​ប្រភព​ព័ត៌មានពី​កន្លែង​កើតហេតុបានអោយដឹងថា មុនពេលកើតហេតុគេបានឃើញជនរងគ្រោះជិះម៉ូតូម៉ាក ហុងដាឌ្រីម ពណ៍ ខ្មៅ ពាក់ស្លាកលេខកំពង់ចាម 1L 8757 ធ្វើដំណើរតាមបណ្តោយព្រះនរោត្តម ក្នុងទិសដៅពី ត្បូងទៅជើងខណះមកដល់ចំណុចកើតហេតុស្រាប់តែមានរថយន្តម៉ាកឡិចសុីស RX300 ពណ៍ទឹកប្រាក់ ពាក់ស្លាកលេខភ្នំពេញ2AJ 7005បើកបរដោយបុរសជនជាតិម្នាក់ធ្វើដំណើរពីជើងទៅត្បូងហើយបានបតឆ្វេងឆ្លងផ្លូវចូលខុនដូភ្លាមនោះជនរងគ្រោះចាប់ហ្វ្រាំងមិនទាន់ក៏ជ្រុលបុកចំពីចំហៀងពេញទំហឹងបណ្តាលអោយបោកខ្ទប់និងរថយន្តរងរបួសធ្ងន់ម្នាក់ស្រាប់ម្នាក់។

ក្រោយពេលកើតហេតុជនរងគ្រោះបញ្ជូនទៅមន្ទីរពេទ្យភ្លាមៗ​ ចំណែករថយន្តនិងម៉ូតូត្រូវ​កម្លាំងនគរបាល​ធ្វើកាវាស់វែងយកទៅរក្សាទុកនៅអធិកានគរបាលខណ្ឌចំកាមនរងចាំ​ការ​ដោះស្រាយពេលក្រោយ៕សារ៉េត​

 

 

 

LEAVE A REPLY

Please enter your comment!
Please enter your name here