ភ្នំពេញ៖ក្មេងទំនើង២នាក់ត្រូវបានកំលាំងនគរបាលឃាត់ខ្លួន ខណៈដែលឃើញកម្លាំងល្បាតហើយដោះមួកសុវត្ថភាពគប់មកលើសមត្ថកិច្ច។ហេតុការណ៍នេះបង្កអោយមានការភ្ញាក់ផ្អើលកាលវេលាម៉ោង ១០យប់ថ្ងៃទី២៨ខែវិច្ឆិកា ឆ្នាំ២០១៧ស្ថិតនៅតាមបណ្ដោយផ្លូវជាតិលេខ៤ក្នុងភូមិព្រៃស្វាយ សង្កាត់ចោមចៅ៣ ខណ្ឌពោធិ៍សែនជ័យ។
ក្មេងទំនើងទីមួយឈ្មោះ សាន ភារុនអាយុ២០ឆ្នាំមុខរបរជាងផ្សារដែក ស្នាក់នៅភុមិព្រៃស្វាយសង្កាត់ចោមចៅ៣ខណ្ឌពោធិ៍សែនជ័យមានភូមិកំណើតនៅ ភូមិកំណើតនៅភូមិឈើទាលស្រ៊ុត ឃុំរំចេក ស្រុកកំពង់សៀមខេត្តកំពង់ចាម ។
ទី២ឈ្មោះ លី សុធារិទ្ធ ភេទប្រុសអាយុ១៩ឆ្នាំ មុខរបរ ជាងរថយន្ត ស្នាក់នៅភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិមោង ឃុំមោងរាវ ស្រុកត្បូងឃ្មុំ ខេត្តត្បូងឃ្មុំ ។ម៉ូតូដែលសមត្ថកិច្ចឃាត់ម៉ាកឌួកពណ៌សលាយទឹកក្រូចពាក់ស្លាក់លេខភ្នំពេញ1CN-0303 ។
តាមប្រភពព័ត៌មានពីកម្លាំងនគរបាលប៉ុស្តិ៍ចោមចៅបានអោយដឹងថា នៅមុនពេលកើតហេតុុ កំលាំងប៉ុស្តិ៍ចេញល្បាតនៅផ្លូវវេងស្រេង នៅម្តុំស្តប់ទួលពង្រដោយមានគ្នា៤នាក់។បន្ទាប់មកឃើញយុវជនទាំង២នាក់ខាងលើជិះម៉ូតូ លឿនហើយជិះគេចពីកំលាំងនគរបាល ឃើញដូច្នោះមានកាសង្ស័យក៏ដេញតាម ពេលនោះយុវជនខាងលើបានដោះមួកសុវត្តិភាពគប់មកលើកម្លាំងនគរបាល ដែលកំពុងជិះដេញពីក្រោយតែមិនបង្កអោយគ្រោះថ្នាក់ឡើយ ក្រោយមកយុវជនខាងលើបានបន្ថែមល្បឿនយ៉ាងលឿន ហើយកំលាំងនគរបាលប៉ុសិ្តបានបោះដៃទៅកំលាំងនគរបាលខណ្ឌពោធិ៍សែនជ័យ ដើម្បីអោយឃាត់ យកមកសួរនាំ ។ ភ្លាមៗនោះកំលាំងអន្តរាគមន៍ខណ្ឌនឹងកំលាំងប៉ុស្តិ៍ បានដេញកាក់ជាប់ហើយយកមកប៉ុសិ្តដើម្បីសួរនាំ ។
ក្រោយពីកាសាកសួរយុវជនទាំង២នាក់បាននិយាយថាពួកគាត់មិនបានដោះមួកសុវត្តិភាពគប់ទេគឺពួកគាត់ជិះលឿនជ្រុះមួកសុវត្ថភាពពីក្បាល ហើយដោយភ័យពេកទើបពួកគាត់បើកម៉ូតូលឿន។
បច្ចុប្បន្ននេះយុវជនទាំង២នាក់ខាងលើត្រូវបានកំលាំងនគរបាលប៉ុស្តិ៍ចោមចៅ ឃាត់មកសួរនាំនឹងធ្វើការអប់រំអោយបងប្អូនមកធានាពួកគាត់ត្រឡប់ទៅផ្ទះវិញភ្លាមៗផងដែរ៕សារ៉េត