ភ្នំពេញ៖ ស្រី្តម្នាក់រងរបួសធ្ងន់បន្ទាប់ពីត្រូវម៉ូតូបុកយ៉ាងពេញ ខណៈដែលកំពុងដើរឆ្លងផ្លូវត្រូវបងប្អូនសាច់ញាត្តិបញ្ជូនទៅសង្រ្គោះនៅមន្ទីរពេទ្យភ្លាមៗផងដែរ។ហេតុការណ៍ខាងលើរបង្ករឲ្យមានការភ្ញាក់ផ្អើលកាលពីវេលាម៉ោង១២និង៣០នាទីត្រង់ថ្ងៃទី២៩ ខែវិច្ឆកាឆ្នាំ២០១៧ស្ថិតនៅតាមបណ្តោយផ្លូវវេងស្រេង ទល់មុខនិងរោងចក្រ៦ជាន់ក្នុងភូមិ ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានី ភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេស្រ្តីរងគ្រោះខាងលើបានឆ្លងផ្លូវក្នុងទិសដៅពីត្បូងទៅជើងក្នុងបំណងឆ្លងផ្លូវតែមិនទាន់ឆ្លងផុតផងក៏មានម៉ូតូហុងដាសេ១២៥ ឆ្នាំ២០១២ពណ៌ខ្មៅពាក់ស្លាកលេខ ភ្នំពេញ 1BQ 9318 បើកបរដោយបុរសម្នាក់មិនស្គាល់អត្តសញ្ណាណធ្វើរដំណើរក្នុងទិសដៅកើតទៅលិចតែម្នាក់ឯង។លុះមកដល់ចំណុចកើតហេតុស្រាប់តែវ៉ាក់អើជាមួយជនរងគ្រោះបុកយ៉ាងពេញទំហឹងបណ្តាលឲ្យរងរបួសផ្នែកជើងយ៉ាងធ្ងន់ធ្ងរ។
ក្រោយពេលកើតហេតុភាគីខាងបង្កមិនបានរត់ទៅណានោះឡើយគឺនៅចាំដោះស្រាយបញ្ហារជាមួយជនរងគ្រោះនៅហ្នឹងកន្លែងតែម្តង ប៉ុន្តែដោយសារជនរងគ្រោះរងរបួសធ្ងន់ត្រូវបញ្ជូនទៅសង្រ្គោះនៅមន្ទីពេទ្យទើបជនបង្ករសម្រេចចិត្តឲ្យម៉ូតូកម្លាំងនគរបាលយកមករក្សារទុកនៅប៉ុស្តិ៍នគរបាលចោមចៅ ចំណែករូបទៅមន្ទីរពេទ្យជាមួយជនរងគ្រោះដើម្បីដោះស្រាយគ្នាបន្តនៅពេលក្រោយ៕៩៨សែនជ័យ