ភ្នំពេញ៖ ស្ត្រីម្នាក់ចាញ់បោកប្រុសព្រានតាមរយៈទូរស័ព្ទច្រឡំលេខជាង១ខែហើយក៏មានទំនាក់ទំនងស្នេហានិងគ្នារហូតឲ្យប្រុសព្រាននោះមកស្គាល់បន្ទប់ជួលដែលខ្លួនស្នាក់នៅថែមទាំងសុខចិត្តប្រគល់ខ្លួនប្រាណឲ្យទៅបុរសដែលខ្លួនស្រលាញ់ដោយមិនស្តាយក្រោយ ។ ប៉ុន្តែក្រោយពីបានរួមរស់ជាមួយគ្នាបានត្រឹមតែមួយអាទិត្យស្រាប់តែប្រុសព្រានលួចយកលុយនិងម៉ូតូរបស់នាងទៅបាត់ដោយបន្សល់ទុកឲ្យនាងនៅរូបថត១សន្លឹកកាន់មកដាក់ពាក្យបណ្តឹងឲ្យកម្លាំងនគរបាលអន្តរាគមន៍ស្វែងរកតែប៉ុណ្ណោះ។ហេតុការណ៍នេះបានកើតឡើងតាំងពីរសៀលថ្ងៃទី២៨ខែវិច្ឆិកាឆ្នាំ២០១៧មកម្លេះរហូតដល់ម៉ោង១០និង៣០នាទីព្រឹកថ្ងៃទី២៩វិច្ឆិកាឆ្នាំ២០១៧នេះដោយមិនឃើញជនសង្ស័យយកម៉ូតូមកបន្ទប់ជួលវិញទើបសម្រេចចិត្តមកដាក់បណ្តឹងនៅប៉ុស្តិ៍នគរបាលរដ្ឋបាលទឹកថ្លាតែម្តងដែលមានទីតាំងនៅចំណុចបន្ទប់ជួលភូមិស្លែងរលើងសង្កាត់អូរបែកក្អមខណ្ឌសែនសុខ។
ស្ត្រីរងគ្រោះមានឈ្មោះ ប៉ា សាម៉េត អាយុ៣៥ឆ្នាំមុខរបរកម្មការនីរោងចក្រស្នាក់នៅបន្ទប់ជួលភូមិស្លែងរលើងសង្កាត់អូរបែកក្អមខណ្ឌសែនសុខ មានស្រុកកំណើតភូមិ ឃុំសំរោង ស្រុកស្វាយអន្ទរខេត្តព្រៃវែង។ ចំណែកប្រុសព្រានដែលជាជនឆបោកនោះគ្រាន់តែដឹងថា ឈ្មោះ សុខុម អាយុ៣៥ឆ្នាំហើយមិនមានមុខរបរពិតប្រាកដនោះទេគ្រាន់តែប្រាប់នាងថាសព្វថ្ងៃគេរស់នៅប៉ោយប៉ែតខេត្តបន្ទាយមានជ័យ។
តាមប្រភពព័ត៌មានពីនារីរងគ្រោះបានអោយដឹងថា នាងនិងជនសង្ស័យបានស្គាល់គ្នាតាមរយះទូរស័ព្ទច្រឡុំលេខជាមួយនិងបុរសខាងលើអស់រយះពេលជាង១ខែមកហើយៗបុរសខាងលើចេះតែខលមកទាក់លួងលោមសាសងសេ្នហាដោយសុំស្រលាញ់នាងនិងសុំមកលេងបន្ទប់ជួលរបស់នាងស្នាក់នៅ។បន្ទាប់មកដោយសារតែពាក្យលួងលោមផ្អែមល្ហែមធ្វើឲ្យនាងទន់ចិត្តអាណិតស្រលាញ់បុរសនោះក៏យល់ព្រមឲ្យមកស្គាល់បន្ទប់ជួលនិងឲ្យស្នាក់នៅជាមួយបង្កើតជាសេ្នហារួមរស់ដេកជាមួយគ្នាបានមួយអាទិត្យស្រាប់តែប្រុសព្រាននោះបែជាបោកយកម៉ូតូរបស់នាង១គ្រឿងម៉ាកហុងដាសេ១២៥ពណ៌
ខ្មៅសេរី២០០៨ឡើងតែម២០១៥ពាក់ស្លាកលេខព្រៃវែង1A-0862យកទៅបាត់កាលពីថ្ងៃទី២៨ខែវិច្ឆិកាឆ្នាំ២០១៧ម៉ោងប្រហែល១២និង៣០នាទីថ្ងៃត្រង់ ខណៈដែលនាងបានអោយបុរសខាងលើយកម៉ូតូឌុបនាងទៅធ្វើការ។
ហើយជននោះបានយកម៉ូតូនាងមកបន្ទប់ជួលវិញរហូតដល់ល្ងាចនាងបានតេហៅមកដឹកនាងវិញស្រាប់តែទូរស័ព្ទ២ប្រព័ន្ធតេមិនចូលពេលនាងមកដល់បន្ទប់ជួលក៏មិនឃើញថែមទាំងក្នុងបន្ទប់បាត់លុយអស់រលើងទើបដឹងថាចាញ់បោកបុរសជាជនសង្ស័យ។
នាងប្រាប់បន្តថាមួយល្ងាចដល់យប់ថ្ងៃទី២៨ខែវិច្ឆិកាឆ្នាំ២០១៧នាងបានព្យាយាមទំនាក់ទំនងទៅបុរសខាងលើដែរ តែមិនអាចទំនាក់ទំនងបានសោះព្រោះគេបិទូរស័ព្ទរហូតដល់ព្រឹកថ្ងៃទី២៩ខែវិច្ឆិកាទើបនាងសម្រេចចិត្តមកប្តឹងសមត្ថកិច្ចឲ្យជួយអន្នឲ្យជួយអន្តរាគមន៍ ដោយកាន់រូបថតរបស់ជនសង្ស័យ១សន្លឹកមកជាមួយផង។ ចំណែកឯសម្ភារដែលជននោះលួចទៅនោះមានម៉ូតូមួយគ្រឿងមានទាំងកាតគ្រីនិងអត្តសញ្ញាណប័ណ្ណសញ្ជាតិខ្មែរកាតធ្វើការរបស់នាងនិងប័ណ្ណពិនិត្យសុខភាព(ប.ស.ស)លុយ១០០ដុល្លានិងទូរស័ព្ទអាយហ្វូនមួយគ្រឿងទៀតផង៕៩៨សែនជ័យ