ភ្នំពេញ៖រថយន្តមិនស្គាល់ម៉ាកមួយគ្រឿងបើកបុកបុរសម្នាក់បណ្ដាលអោយស្លាប់បាត់បង់ជីវិតភ្លាមៗនៅនឹងកន្លែងកើតហេតុ រួចរត់គេចខ្លួនបាត់ស្រមោលបន្សស់ទុកតែសាកសពជនរងគ្រោះនៅលើដងផ្លូវ។ហេតុការណ៍នេះបានកើតឡើងកាលពីវេលាម៉ោង១៩នឹង៣០នាទីយប់ថ្ងៃទី០៣ខែធ្នូឆ្នាំ២០១៧ត្រង់ចំណុចលើស្ពាន7មករាស្ថិតតាមបណ្តាញផ្លូវជាតិលេខ3ក្នុងភូមិទឹកថ្លា សង្កាត់ ក្រាំងពង្រ ខណ្ឌដង្កោ។
ជនរងគ្រោះមានឈ្មោះ ហេង សារ៉ុត ភេទប្រុស អាយុ 35 ឆ្នាំ មានស្រុកកំណើតនៅភូមិត្រពាំងកំណប់ ឃុំដំបូងខ្ពស់ ស្រុកអង្គរជ័យ ខេត្តកំពត។ដោយជិះម៉ូតូជនរងគ្រោះម៉ាក smash revoពណ៌ខ្មៅពាក់ស្លាកលេខ(កំពង់ឆ្នាំង1A-4071)។រថយន្តមិនស្គាល់ម៉ាកបានបើកគេចបាត់បន្សល់ទុកជនរងគ្រោះនិងម៉ូតូនៅកន្លែងកើតហេតុ។
បច្ចុប្បន្នក្រោយពេលសមត្ថកិច្ចធ្វើកាវាស់វែងរួច សាកសពត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត។ដោយឡែកម៉ូតូជនរងគ្រោះត្រូវបានកម្លាំងនគរបាលយកមករក្សាទុកនៅអធិការរដ្ឋានខណ្ឌដង្កោរងចាំក្រុមគ្រួសារសាកសពយកឯកសារមកទទួលទៅវិញ៕បញ្ញា