ភ្នំពេញ៖ បុរសម្នាក់លក់កាតទូរស័ព្ទអោយគេចំនួន២ដុល្លារ៍ ខណៈដែលមានអ្នកមកទិញក្រដាស់៥០ដុល្លារ៍លក់អោយគេ ត្រូវប្រពន្ធបានស្តីបន្ទោសប្តីថាយប់ជ្រៅហើយ!លុយដុល្លារ៍ច្រើនខំលក់ធ្វើអីក្រែងលុយក្លែងក្លាយឥឡូវពិបាកណាស់!បន្ទាប់ពីស្តីតែប៉ុណ្ណឹងដាច់ចិត្តចង ក សម្លាប់ខ្លួន។ ហេតុការណ៍នេះបង្កអោយមានកាភ្ញាក់ផ្អើលកាលវេលាម៉ោង ១០នឹង ៣០នាទីយប់ ថ្ងៃទី ៨ខែធ្នូរឆ្នាំ ២០១៧ ចំណុច របងដីឡូ រំលងផ្លូវ ទំនប់កប់ស្រូវ ភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ។
សពឈ្មោះ អ៊ុំ អាន ភេទប្រុស អាយុ៣០ឆ្នាំមុខរបរ បើករថយន្ត រស់នៅភូមិកើតហេតុខាងលើ មានស្រុកកំណើតនៅភូមិទ្រា ឃុំទ្រា ស្រុកកណ្តាលស្ទឹង ខេត្តកណ្តាល ។ចំណែកឯប្រពន្ធឈ្មោះ វ៉ង សុខនី ២៨ឆ្នាំមុខរបរ លក់អីវ៉ាន់នៅផ្ទះ ភូមិខាងលើទើបរៀបការបានប្រហែល៣ឆ្នាំ ។
តាមប្រភពព័ត៌មានពី នាង វ៉ង សុខនី ត្រូវជាប្រពន្ធ នៃសព បាននិយាយរៀបរាប់ប្រាប់ទាំងទឹកភ្នែកថា នៅមុនពេលqកើតហេតុ មានបុរសម្នាក់មកទិញកាតទូរស័ព្ទ ចំនួន២ដុល្លារ៍ ហើយលុយដែលយកមកទិញក្រដាស់៥០$។ហើយប្តីគាត់បានអាប់លុយដុល្លារ៍អោយរួចហើយ ខណៈនោះខ្លួនលឺពីក្នុងផ្ទះរឿង(អាប់លុយចំនួន50$) ស្របពេលដែលអ្នកទិញចេញទៅបាត់។ហើយខ្លួន(ប្រពន្ធស្តី)បន្ទោសប្តីបន្តិចបន្ទួចថាយប់ជ្រៅហើយ លុយដុល្លារ៍ច្រើនណាស់៥០ដុល្លារ៍ ស្មើ នឹងលុយខ្មែរ២០ម៉ឺន ខំលក់ធ្វើអីលុយចំណេញតិចៗហ្នឹង។បន្ទាប់មកប្តីបានចូលក្នុងបន្ទប់ ហើយកន្លះម៉ោងក្រោយមកស្រាប់តែឃើញប្តីគាត់ចេញមកក្រៅវិញ រួចខ្លួនចូលទៅបន្ទប់ដែលប្តីទើបនឹងចេញ ឃើញគ្រឿងអាល័ង្ការដែលប្តីដោះទុក!ហើយខ្លួនឆ្ងល់ក៏ដើរចេញមកមើល!ឃើញប្តីផ្លោះរបងចេញមកខាងក្រៅដើរឆ្លងផ្លូវទៅ មើល។ដោយមានការសង្ស័យ នៅពេលនោះរបងផ្ទះជាប់សោរ ខណៈនោះខ្លួនរត់ទៅយកសោរមកទៅមើលកន្លែងប្ដីលោតឃើញមានចំរឹងដែកនៅលើក្បាល។បន្ទាប់មកទៀតខ្លួនយកទូរស័ព្ទច្របាច់ពិលមើល!ឃើញប្តីគាត់ចងកនៅដីឡូម្ខាងខាងក្រោយ។ហើយគាត់ខំព្រឹងលើកប្តីទំលាក់មកក្រោម ដោយយកទៅពេទ្យ ពេលនោះបងគាត់បានប្រាប់ថា ប្តីប្អូនបានស្លាប់បាត់ទៅហើយ ។
ក្រោយពេលកើតហេតុ ក្រុមគ្រួសានៃសព បានប្តឹងសមត្ថកិច្ចអោយមកកន្លែងកើតហេតុដើម្បីធ្វើកោសល្យវិច្ច័យសាកសព។
តាមប្រភពព័ត៌មានពីកម្លាំងនគរបាលជំនាញម្នាក់សុំមិនបញ្ចេញឈ្មោះបានអោយដឹងថា សាកសពជនរងគ្រោះពិតជាស្លាប់ដោយសារចង់កសម្លាប់ខ្លួនប្រាកដមែន។
បច្ចុប្បន្ននេះសាកសពជនរងគ្រោះត្រូវបានកម្លាំងនគរបាលប្រគល់អោយក្រុមគ្រួសារយកទៅធ្វើបុណ្យតាមប្រពៃណីនៅឯគេហដ្ឋាន៕សារ៉េត