ភ្នំពេញ៖ បុរសម្នាក់បើករថយន្តក្នុងល្បឿនលឿនក្នុងស្ថានភាពផ្លូវងងឹតក៏ជ្រុលចង្កូតបុករបាំងថ្មពុះចែកទ្រូងផ្លូវបនណ្តាលអោយក្រឡាប់ផ្ងាជើងច្រង៉ាង ចំណែកម្ចាស់រថយន្តរងរបួសបែកមុខមាត់។ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី៨ខែធ្នូ ឆ្នាំ២០១៧ នៅចំណុចជិតស្តុបទំបន់កប់ស្រូវ ផ្លូវជាតិលេខ៤ ស្ថិតក្នុងសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញបុរសម្នាក់មិនស្គាល់អត្តសញ្ញាណបើករថយន្តម៉ាកNissan ពណ៌ស ពាក់ស្លាកលេខចង្កូតស្តាំ PP 1007 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើតក្នុងល្បឿនលឿនខណៈមកដល់កន្លែងកើតហេតុងងឹត រួមទាំងទ្រូងផ្លូវក្រសួងសាធារណៈទើបនឹងដាក់ផងក៏ជ្រុលចង្កូតទៅបុកពេញទំហឹងបណ្តាលអោយក្រឡាប់រថយន្តផ្ងាជើង រីឯម្ចាស់រងរបួសបែកមុខបែកមាត់ដោយឡែកទ្រូងផ្លូវរងការខូចខាតអស់មួយកង់។
ក្រោយពីកើតហេតុគេឃើញកម្លាំងនគរបាលមូលដ្ឋានចុះទៅកន្លែងហេតុដើម្បីធ្វើចរាចរណ៍ព្រមទាំងទំនាក់ទំនងទៅនគរបាលជំនាញនៃស្នងការរាជធានីភ្នំពេញមកយករថយន្តទៅរក្សាទុករងចាំការដោះស្រាយនៅពេលក្រោយ៕សារ៉េត