ភ្នំពេញ៖ រថយន្តកុងតឺន័រមួយគ្រឿងមិនសណ្តោងកន្ទុយបានបត់ឆ្លងផ្លូវមិនប្រយ័ត្នក៏ត្រូវម៉ូតូបុកចំពីចំហៀងពេញទំហឹងបណ្តាលអោយរថយន្តកិនម៉ូតូជប់ក្រោមកង់រងកាខូចខាត។ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃពុធ ១០រោចខែមិគសិរឆ្នាំរកាពស២៥៦១ត្រូវនឹងថ្ងៃទី១៣ ខែធ្នូឆ្នាំ២០១៧ ស្ថិតនៅចំណុចមុខស្ថានីយ៍ប្រេងឥន្ទនះតេលា តាមបណ្តោយផ្លូវវេងស្រេងកែងផ្លូវឌួងងៀប ស្ថិតក្នុងសង្កាត់ស្ទឹងមានជ័យ៣ ខណ្ឌមានជ័យ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញរថយន្តម៉ាកហុីយាន់ដាយ ប្រភេទកុងតឺន័រ ពណ៌ស មិនមានស្លាកលេខធ្វើដំណើរតាមបណ្តោយផ្លូវវេងស្រេង ក្នុងទិសដៅពីលិចទៅកើត ខណៈមកដល់ចំណុចកើតហេតុក៏បួងចង្កូតបត់ឆ្វេងបំណងទៅផ្លូវឌួងងៀប ភ្លាមនោះស្រាប់តែមានបុរសម្នាក់ជិះម៉ូតូម៉ាកshogun ពណ៌ខ្មៅ ពាក់ស្លាកលេខភ្នំពេញ1K 5955 ធ្វើដំណើរតាមបណ្តោយផ្លូវវេងស្រេងក្នុងទិសដៅពីកើតទៅលិចក្នុងល្បឿនលឿនចាប់ហ្វ្រាំងមិនទាន់ក៏ជ្រុលបុកចំពីចំហៀងរថយន្តពេញទំហឹងបណ្តាលអោយរថយន្តកិនអូសជាង៥ម៉ែត្រសំណាងម្ចាស់ម៉ូតូរបួសស្រាល ចំណែកម៉ូតូរងកាខូចខាតយ៉ាងដំណំ។
ក្រោយពេលកើតហេតុម្ចាស់រថយន្តបានចេញថ្លៃខូចខាតទៅលើម្ចាស់ម៉ូតូចំនួន១៥០ដុល្លារដើម្បីបញ្ចប់រឿងនៅកន្លែងកើតហេតុ៕សារ៉េត