ភ្នំពេញ៖ បុរសម្នាក់ស្រវឹងស្រាបើកម៉ូតូបុកលូដាក់ឃាំងផ្លូវកុំអោយរថយន្តធន់ធំបើកបណ្តាលអោយរងរបួសធ្ងន់។ហេតុការណ៍នេះបានកើតឡើងកាលវេលាម៉ោង៩យប់ថ្ងៃ១១រោចខែមិគសិរឆ្នាំរកា ពស២៥៦១ត្រូវនឹងថ្ងៃទី១៤ខែធ្នូរឆ្នាំ២០១៧ ស្ថិតនៅតាមបណ្តាលផ្លូវ បេតុង ភូមិជម្ពូវ័នសង្កាត់ចោមចៅ៣ខណ្ឌពោធិ៍សែនជ័យ ។
ជនរងគ្រោះ ជិះម៉ូតូម៉ាក ស្ម័គ្ររីវ៉ូ ពណ៌ខ្មៅពាក់ស្លាកលេខកំពង់ស្ពឺ1D-9798 បើកក្នុងទិសដៅ ពីលិចទៅកើត រងរបួសធ្ងន់បែកចិញ្ចើមផ្នែកខាងស្តាំនឹងបាក់ជើងខាងស្តាំ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុ បាននិយាយប្រាប់ថា នៅមុនពេលកើតហេតុ គេឃើញជនរងគ្រោះខាងលើបើកម៉ូតូយ៉ាងលឿន បើកក្នុងទិសដៅពីលិចទៅកើតក្នុងស្ថានភាពស្រវឹងហើយបានបុកលូដែលគេដាក់លើផ្លូវបេតុងហាមកុំអោយរថយន្តធន់ធ្ងន់បើកហើយបានបុកចំពាក់កណ្តាលពេញទំហឹងបណ្តាលឲ្យជនរងគ្រោះរងរបួសធ្ងន់បែកចិញ្ចើមផ្នែកខាងស្តាំនឹងបាក់ជើងខាងស្តាំរងរបួសធ្ងន់ចំណែកម៉ូតូវិញ រងការខូចខាតយ៉ាងធ្ងន់ធ្ងរ។ ពេលភ្លាមៗជនរងគ្រោះខាងងលើត្រូវបានរថយន្តសាមុយឯកជន បានដឹកយកទៅសង្គ្រោះភ្លាមៗនៅមន្ទីរពេទ្យសម្ភពរស្មី ។
ក្រោយពេលកើតហេតុបន្ទាប់ពីជនរងគ្រោះទៅមន្ទីរពេទ្យបាត់ ម៉ូតូនៅកន្លែងកើតហេតុបន្ទាប់មកនគរបាលប៉ុស្តិ៍ចោមចៅ៣យកម៉ូតូយកទៅរក្សាទុក៕សារ៉េត