ខេត្តកណ្ដាល៖បុរសម្នាក់រួមទាំងអ្នកជិះ៥នាក់ទៀតបើករថយន្តរ៉េចង្កូតទៅបុករថយន្តមួយគ្រឿងទៀតបណ្ដាលអោយរងរបួសធ្ងន់ស្រាល៦នាក់។ហេតុការណ៍នេះបានកើតឡើងកាលពីវេលាម៉ោង២១៖១០នាទីយប់ថ្ងៃ១១រោចខែមិគសិរឆ្នាំរកា ព ស ២៥៦១ត្រូវនឹងថ្ងៃទី១៤ ខែធ្នូ ឆ្នាំ២០១៧ស្ថិតនៅតាមបណ្តោយផ្លូវជាតិលេខ៤ ទល់មុខរោងចក្រផលលិតចំណីសត្វសុីភីស្ថិតនៅភូមិចកឃុំបែកចានស្រុកអង្គស្នួល។
តាមប្រភពព៌ត៌មានពីកន្លែងកើតហេតុបាននិយាយថានៅមុនពេលកើតគេឃើញមានរថយន្ត១គ្រឿងម៉ាក ហ្សីប Jeep ពណ៌ត្រេអុីពាក់ស្លាកលេខខេមរភូមិន្ទ២.៣៩៨៩បើកបរដោយឈ្មោះ សុង សុពៅភេទប្រុស អាយុ៤២ឆ្នាំមានទីលំនៅភូមិតាឡាត់ ឃុំក្សេមក្សាន្តស្រុក ឧដុង្គខេត្តកំពង់ស្ពឺ( របួសធ្ងន់) មុខរបរកងរាជអាវុធហត្ថផ្ទៃប្រទេសរួមទាំងអ្នកធ្វើដំណើក្នុងរថយន្តមានគ្នា៥នាក់ទៀត៖
១ . ឈ្មោះហ្វីន ហ្វុងលី ប្រុស អាយុ១៥(ធ្ងន់)មុខរបរ សិស្ស២. ឈ្មោះ សុឹម តុលា ប្រុស អាយុ ១៥ឆ្នាំ (ស្រាល) មុខរបរសិស្ស៣. ឈ្មោះ សំ ចាន់មុន្នី ប្រុស អាយុ ២៣ (ស្រាល ) មុខរបរ សិស្ស ៤. ង៉ែត បូផាន់ ប្រុស អាយុ ២០ ឆ្នាំ
របួសស្រាល មុខរបរ សិស្ស៥. ឈ្មោះ សួង ជូច ប្រុស អាយុ ៥៣មុខរបរ កសិករ (របួសស្រាល)ស្នាក់នៅភូមិឃុំជាមួយគ្នាទាំងអស់ ធ្វើដំណើរតាមបណ្ដោយផ្លូវជាតិលេខ៤ក្នុងទិសដៅពីកើតទៅទិសខាងលិច( ភ្នំពេញទៅព្រះសុីហនុ)។លុះមកដល់ចំណុចកើតហេតុខាងលើស្រាប់តែរ៉េចង្កូត ក៏ជ្រុលទៅបុករថយន្ត១គ្រឿងទៀតម៉ាកហុីយិនដាយពណ៌សប្រភេទដឹកទំនិញធុនធំពាក់ស្លាកលេខ ភ្នំពេញ ៣D ៣១២១ អ្នកបើកបរមិនដឹងឈ្មោះខណៈដែលរថយន្តនោះឈប់ចតនៅស្ងៀម ស្ថិតនៅលើជាយផ្លូវដីខាងត្បូងថ្នល់ជាតិ បែរក្បាលទៅទិសខាងកើត ព្រមទាំងបុកបាក់បង្គោលថ្មគីឡូម៉ែត្រលេខ ២៣ អស់ចំនួន១ថែមទៀត ។
ក្រោយពេលកើតហេតុគេឃើញកម្លាំងនគរបាលមូលដ្ឋានចុះទៅកន្លែងហេតុដើម្បីធ្វើចរាចរណ៍ព្រមទាំងទំនាក់ទំនងទៅនគរបាលជំនាញមកយកសម្ភារៈមធ្យោបាយដែលពាក់ពន្ធ័មករក្សាទុកនៅអធិការដ្ឋានស្រុកអង្គស្នូលចាត់ការតាមនីតិវិធីច្បាប់៕សារ៉េត