ភ្នំពេញ៖ជនសង្ស័យម្នាក់ប្រើប្រាស់សារធាតុញៀនរហូតបាត់បង់ស្មារតីភ្លេតមុីង ក្មួយ ដោយសារស្រែកឃ្លានតណ្ហាចាប់រំលោភម្ដាយមុីងខ្លួនឯងបានសំរេចម្តង ខណៈដែលស្វាមីស្ត្រីរងគ្រោះមិននៅផ្ទះ ចុងក្រោយចង់ម្តងទៀតត្រូវកម្លាំងនគរបាលចាប់ឃាត់ខ្លួន។ហេតុការណ៍នេះបានកើតឡើងកាលពីថ្ងៃទីសៅរ៍ ១៣រោចខែមិគសិរ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១៦ ខែធ្នូ ឆ្នាំ២០១៧ ម៉ោង០២និង៣០នាទី រំលងអាធ្រាត នៅចំណុចផ្ទះលេខ៥២៣ ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ ។
ស្ត្រីជនរងគ្រោះឈ្មោះ ហ ស យ ភេទស្រី អាយុ៤៨ឆ្នាំ ជនជាតិខ្មែរឥស្លាម មុខរបរ លក់ដូរ ស្នាក់នៅផ្ទះកើតហេតុ។ចំណែកឯជនសង្ស័យឈ្មោះស្លេះ សារី ភេទប្រុស អាយុ៣៨ឆ្នាំ ជនជាតិខ្មែរឥស្លាម មុខរបរលក់ដូរ ស្នាក់នៅផ្ទះលេខ៥៧ភ៤ ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុកាលពីថ្ងៃទី១៦-ខែធ្នូ-២០១៧ ម៉ោង០២និង៣០នាទីរំលងអាធ្រាតជនរងគ្រោះ ស្លៀករ៉ូបដេកនៅផ្ទះកើតហេតុខាងលើ ដោយប្តីមិននៅផ្ទះ ស្រាប់តែជនសង្ស័យត្រូវជាក្មួយជីទួតមួយជនរងគ្រោះ នៅផ្ទះទល់មុខគ្នា បានដើរចូលក្នុងផ្ទះរួចចាប់អោបថើប ហើយយកដៃរុកចូលប្រដាប់ភេទ។ពេលនោះជនរងគ្រោះក៏ស្រែក ស្របពេលនោះប្តីជនរងគ្រោះមកទាន់ ជនសង្ស័យក៏រត់គេចខ្លួន។ លុះព្រឹកឡើងថ្ងៃទី១៧-ខែធ្នូ-ឆ្នាំ២០១៧ ជនរងគ្រោះ បានមករាយការប្រាប់កម្លាំងនគរបាលប៉ុស្តិ៍ព្រែកប្រា។ រហូតដល់ថ្ងៃទី១៨ខែធ្នូឆ្នាំ២០១៧ ម៉ោង១១និង០០នាទីព្រឹកថ្ងៃកម្លាំងនគរបាលបានឃាត់ខ្លួនជនសង្ស័យនៅភូមិព្រែកតាពៅ សង្កាត់ ព្រែកប្រា ខណ្ឌច្បារអំពៅ បញ្ជូនមកទីស្នាក់ ការប៉ុស្តិ៍ធ្វើការសាកសួរ។
សូមបញ្ជាក់ថា កន្លងមកកាលពីថ្ងៃមិនចាំ ខែវិច្ឆិកា ឆ្នាំ ២០១៧ ម៉ោងប្រហែល២១និង៣០នាទី ជនសង្ស័យធ្លាប់ចាប់រំលោភជនរងគ្រោះម្តងរួចមកហើយ តែជនរងគ្រោះពុំបានមកប្តឹងកម្លាំងនគរបាលទេ ព្រោះខ្លាចខ្មាសគេ។
បច្ចុប្បន្ននេះជនសង្ស័យកំពុងឃុំខ្លួនបណ្ដោះអាសន្ននៅអធិការខណ្ឌច្បារអំពៅដើម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕សារ៉េត