ភ្នំពេញ៖ ហេតុការណ៍មួយបង្កឲ្យមានការទាំងកណ្ដាលថ្ងៃទៅដល់សមត្ថកិច្ចនិងប្រជាពលរដ្ឋចោមរោមមើល។កាលវេលាម៉ោង១១និង០០នាទីព្រឹកថ្ងៃអង្គារ៍២កើតបុស្សឆ្នាំ រកា ព ស ២៥៦១ត្រូវនឹងថ្ងៃទី១៩ ខែធ្នូ ឆ្នាំ២០១៧ នៅក្នុងបឹងមួយកន្លែងដែលទីតាំងស្ថិតនៅក្នុងភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានអោយដឹងថាសាកសពខាងលើមានឈ្មោះ ធី អាយុ៣២ឆ្នាំ មានស្រុកកំណើតនៅ ខេត្តកំពង់ចាមនឹងមានប្រពន្ធកូនស្រីម្នាក់នៅខេត្តកំពង់ធំ។
តាមប្រភពដដែលបានបន្តទៀតថា នៅមុនថ្ងៃកើតហេតុជនរងគ្រោះបានឈ្លោះប្រកែកគ្នាមួយជាគ្រួសាររួចក៏បានមករកការងារធ្វើជាមួយប្អូនថ្លៃរនៅរាជធានី ភ្នំពេញ (នៅកន្លែងកើតហេតុ)។បន្ទាប់មកកាលពីថ្ងៃសៅរ៍ ទី១៦ ខែធ្នូ ឆ្នាំ២០១៧ តែដោយសាររកការងារមិនទាន់បានធ្វើផងក៏បានបាត់ខ្លួនរហូតមកដល់ថ្ងៃទី១៩ខែធ្នូឆ្នាំ២០១៧នេះទើបប្រទះឃើញបុរសខាងលើស្លាប់បាត់ជីវិតនៅក្នុងស្រះទៅវិញ។
ក្រោយពីបានប្រទះឃើញសាកសពខាងលើរួចមកប្រជាពលរដ្ឋដែលឃើញហេតុការណ៍ក៏បានរាយការណ៍ទៅដល់សមត្ថកិច្ចមូលដ្ឋានចុះមកព្រមទាំងទំនាក់ទំនងទៅនគរបាលជំនាញនៃស្នងការរាជធានីភ្នំពេញចុះធ្វើកោសល្យវិច្ច័យថែមទាំងស្រាវជ្រាវបងប្អូនសាច់ញាត្តិដើម្បីមកទទួលយកទៅធ្វើបុណ្យតាមប្រពៃណីនៅឯស្រុកកំណើត៕៩៨