ភ្នំពេញ៖ផ្ទះប្រជាពលរដ្ឋមួយខ្នងដែលនៅក្បែរមន្ទីរពេទ្យកំបូល ត្រូវអគ្គីភ័យឆាប់ឆេះ យ៉ាងសន្ធោសន្ធៅ។ហេតុការណ៍នេះបង្កការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃពុធ៣កើត ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី២០ ខែធ្នូ ឆ្នាំ២០១៧ សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកម្លាំងនគរបាលបានអោយដឹងថា ម្ចាស់ផ្ទះដែលត្រូវបានអគ្គីភ័យលេបត្របាក់នោះទី១ឈ្មោះផនមឿនភេទស្រីអាយុ៦១ឆ្នាំមុខរបរលក់បង្អែម ទី២ឈ្មោះតុប ចាន់នី ភេទស្រីអាយុ៥០ឆ្នាំមុខរបលក់ចាបហួយ។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេឃើញមានផ្សែងហុយចេញពីផ្ទះដែលមានម្ចាស់ឈ្មោះតុប ចាន់នី។បន្ទាប់មកក៏ឆាបឆេះយ៉ាងសន្ធោសន្ធៅបង្ករកាភ្ញាក់ផ្អើលដល់ប្រជាពលរដ្ឋដែលនៅក្បែរនាំគ្នាយកទុយោទឹកមកបាញ់ព្រមទាំងរាយការណ៍ទៅសមត្ថកិច្ចហៅរថយន្តពន្លត់អគ្គីភ័យមកជួយអន្តរាគមន៍ភ្លាមៗផងដែរ។ប៉ុន្តែខ្យល់ធ្លាក់ខ្លាំងពេកភ្លើងក៏បានឆាបឆេះនិងរាលដាលដល់ផ្ទះមួយខ្នងទៀតដែលនៅក្បែរ។
តាមប្រភពដដែលបានបន្តថា ការប្រតិបត្តិការបាញ់ពន្លត់គ្រោះអគ្គីភ័យខាងលើនេះ មានរថយន្តពន្លត់អគ្គីភ័របស់ស្នងការនគរបាលរាជធានីភ្នំពេញចំនួន៣គ្រឿង កងពលតូចលេខ៩១១ចំនួន២គ្រឿង កងពល់តូចលេខ៧០ចំនួន៤គ្រឿង មកពីតម្រួតបទបញ្ញាចំនួន២គ្រឿង និងរថយន្តរបស់ស្រាបៀកម្ពុជាចំនួន១គ្រឿងផងដែរ។
ពាក់ព័ន្ធនិងហេតុការណ៍គ្រោះអគ្គីភ័យខាងលើនេះសមត្ថកិច្ចនៅមិនទាន់បញ្ជាក់ថាមកពីមូលហេតុអ្វីនោះទេតែជំហានដំបូលសន្និដ្ឋានថាមកពីផ្ទុះសេខ្សែភ្លើង៕ ៩៨