ភ្នំពេញ៖ បុរសម្នាក់ជិះម៉ូតូបំរុងបត់ត្រូវម៉ូតូមួយគ្រឿងទៀតជិះលឿនបុកពេញទំហឹងបណ្ដាលអោយរងរបួសធ្ងន់។ហេតុការណ៍នេះបានកើតឡើងកាលពីវេលាម៉ោង២១៖២៥នាទីយប់ថ្ងៃពុធ៣កើតខែបុស្សឆ្នាំរកា ព ស ២៥៦១ត្រូវនឹងថ្ងៃទី២០ខែធ្នូឆ្នាំ២០១៧ស្ថិតនៅតាមបណ្ដោយផ្លូវ៣៣៦កែង២៤៧ សង្កាត់បឹងសាឡាង ខណ្ឌទួលគោករាជធានីភ្នំពេញ។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់វ័យប្រហែល២៣ឆ្នាំជិះម៉ូតូមួយគ្រឿងម៉ាក និច ពណ៌សពាក់ស្លាកលេខភ្នំពេញ1DC5070ធ្វើដំណើរតាមបណ្ដោយផ្លូវ២៤៧ក្នុងទិសដៅពីត្បូងទៅជើងកែងផ្លូវ៣៣៦បំរុងបត់ស្រាប់តែមានបុរស២នាក់ជិះម៉ូតូមួយគ្រឿងម៉ាក ហុងដា សេ១២៥ពណ៌ខ្មៅពាក់ស្លាកលេខភ្នំពេញ1AO-7985ធ្វើដំណើរតាមបណ្ដោយផ្លូវ៣៣៦ក្នុងទិសដៅពីលិចទៅកើតយ៉ាងលឿនមកដល់ចំណុចកើតហេតុក៏បុកម៉ូតូnexដែលបំរុងបត់ពេញមួយទំហឹងបណ្តាលអោយរងរបួសធ្ងន់ជើងខាងធ្វេង។
ក្រោយពីកើតហេតុគេឃើញកម្លាំងនគរបាលមូលដ្ឋានចុះមកកន្លែងកើតហេតុដើម្បីធ្វើចរាចរណ៍ព្រមទាំងទំនាក់ទំនងរថយន្តសង្គ្រោះមន្ទីរពេទ្យ ព្រះកុសមៈហៅមន្ទីរពេទ្យលោកសង្ឃដឹកយកទៅព្យាបាល។ចំណែកឯម៉ូតូជនរងគ្រោះនិងម៉ូតូបង្កហេតុត្រូវកម្លាំងនគរបាលជំនាញយកទៅរក្សាទុករងចាំការដោះស្រាយនៅពេលក្រោយ៕ខុងមុីង