រាជាធានីភ្នំពេញ ៖ មានហេតុការណ៍ភ្ញាក់ផ្អើលមួយបានកើតឡើង កាលពីវេលាម៉ោងប្រមាណ៨ព្រឹកថ្ងៃ ៥កើត ខែបុស្សឆ្នាំរកា ព ស២៥៦១ត្រូវនឹងថ្ងៃទី២២ ខែធ្នូ ឆ្នាំ២០១៧ នេះមាននៅតាមមហាវិថីសហព័ន្ធរុស្ស៊ីមុខក្រុមហ៊ុន Cat ទល់មុខអាកាសយានដ្ឋានអន្តរជាតិភ្នំពេញ ស្ថិតនៅក្នុងភូមិក្បាលដំរី១ សង្កាត់កាកាប១ ខណ្ឌពោធុ៍សែនជ័យ រាជធានីភ្នំពេញ។ បន្ទាប់ពីកម្មករធ្វើផ្លូវធ្វើដំណើរឆ្លងកាត់តាមទីនោះប្រទះឃើញប្រអប់ខ្មៅមួយយ៉ាងចម្លែក ដែលមុនដំបូងគ្រប់គ្នាគិតថា ជាប្រអប់គ្រប់បែកទើបមានការភ័យស្លន់ស្លោរ។ ភ្លាមៗនោះក៏បានរាយការណ៍ជាបន្ទាន់ទៅកាន់សមត្ថកិច្ចមូលដ្ឋានឱ្យចុះមកត្រូវពិនិត្យជាបន្ទាន់ផងដែរ ។
តាមប្រភពពីសមត្ថកិច្ចបានឲ្យដឹងថា ក្រោយពេលចុះធ្វើការត្រួតពិនិត្យ នៅក្នុងប្រអប់ខ្មៅនោះមិនបានឃើញគ្រាប់បែកនោះទេ គឺឃើញមានតែកញ្ឆាក្រៀមនៅក្នុងនោះតែប៉ុណ្ណោះ ដែលតាមការសន្និដ្ឋានសង្ស័យថា មានឈ្មួញទុច្ចរិចបំរុងនឹងនាំចេញទៅក្រៅប្រទេសតាមជើងហោះហើរ ប៉ុន្តែទំនងជាមិនអាចនាំចេញទៅបាន ទើបយកទៅប្លុងចោលនៅមុខអាកាសយានដ្ឋានបែបនោះទៅ។បន្ទាប់មកនគរបាលបាននាំយកប្រអប់កញ្ឆាក្រៀមនោះទៅកាន់ប៉ុស្ដិ៍ ធ្វើការត្រួតពិនិត្យជាក់ស្ដែងហើយបានឃើញថា កញ្ឆាក្រៀមទាំងនោះត្រូវបានជនមិនស្គាល់មុខ ខ្ចប់ដោយថង់ប្លាស្ទិចជាដុំតូចដូចគ្នាទៅនិងដុំណែមដែរ ហើយពេលរាប់មើលឃើញ មានចំនួន៤២៦ដុំ។
ប្រភពដសែកបានបន្តទៀតថា ប្រអប់ខ្មៅនោះមានរៀងស្រដៀងគ្នាទៅនឹងប្រអប់ចង្ក្រានហ្គាស់ដែរ ហើយនៅពេលនេះសមត្ថកិច្ចន គរបាលប៉ុស្ដិ៍រួមជាមួយនគរបាល ព្រហ្មទណ្ឌ និងនគរបាលប្រឆាំងបទល្មើសគ្រឿងញៀនខណ្ឌពោធិ៍សែនជ័យនៅមិនទាន់ដឹងថា នៅក្នុងដុំកញ្ឆានោះមានសារធាតុផ្សំអ្វីផ្សេងទៀតនៅឡើយទេ។ដោយរង់ចាំកម្លាំងនគរបាលជំនាញនៃស្នងការដ្ឋាននគរបាលរាជធា នីភ្នំពេញ ចុះទៅធ្វើការពិនិត្យកោសល្យវិច័យបន្តទៀត ដើម្បីស្រាវជ្រាវរកម្ចាស់របស់វានិងមូលហេតុនៃការទុកចោល ព្រមទាំងគោលបំណងដែលត្រូវនាំចេញទៅកាន់ប្រទេសណាមួយឲ្យបានច្បាស់លាស់៕ ៩៨