ភ្នំពេញ ៖ បុរសម្នាក់ជិះម៉ូតូក្នុងល្បឿនលឿនវ៉ាកអឺជាមួយរថយន្ដមួយគ្រឿងចាប់ហ្វាំងបង្ខំបណ្ដា់លអោយដួលបោកក្បាលរងរបួសធ្ងន់។ ហេតុការណ៍នេះកើតឡើងកាលពីវេលាម៉ោង១ និង៤០ នាទីរសៀលថ្ងៃច័ន្ទ ៤កើតខែបុស្សឆ្នាំរកា ព ស២៥៦១ត្រូវនឹងថ្ងៃទី២៥ ខែធ្នូ ឆ្នាំ២០១៧ នៅតាមបណ្ដោយផ្លូវ៣៧១ ក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាធានីភ្នំពេញ ។
ជនរងគ្រោះជាជនជាតិវៀត ណាមតែមិនបានស្គាល់អត្ដសញ្ញាណឡើយ ។
តាមប្រភពព័ត៌មានពីកន្លែងកើតហេតុបានប្រាប់អោយដឹងថា មុនពេលកើតហេតុគេបានឃើញបុរសរងគ្រោះជិះម៉ូតូមួយគ្រឿងម៉ាក AXELO ពណ៌ខ្មៅ ដែលពាក់ស្លាកលេខភ្នំពេញ1 BN-5099 ធ្វើដំណើរតែម្នាក់ឯងក្នុងទិសដៅពីលិចទៅកើតក្នុងល្បឿនលឿន ស្រាប់តែមកដល់ចំណុចកើតហេតុក៏វ៉ាក់អឺជាមួយរថយន្ដមួយគ្រឿងមិនចាំបណ្ដាលអោយបុរសរងគ្រោះចាប់ហ្វាំងបង្ខំដួលបោកក្បាលសន្លប់ស្ដូកស្ដឹងតែម្ដង ។ ភ្លាមៗនោះត្រូវបានប្រជាពលរដ្ឋហៅរថយន្ដសាម៉ូយនៃមន្ទីរពេទ្យមិត្ដភាពខ្មែរ សូវៀត ហៅពេទ្យ រស្ស៉ី ភ្លាមៗដើម្បីជួយសង្គ្រោះជីវិត ។
ក្រោយពេលកើតហេតុកម្លាំងសមត្ថកិច្ចចុះទៅដល់កន្លែងកើតហេតុ ជួយអន្ដរាគមន៍ និងធ្វើកំណត់ហេតុប្រគល់ម៉ូតូអោយបងប្អូនជនរងគ្រោះវិញ ៕បញ្ញា