កណ្តាល៖ អ្នកទោសម្នាក់បានលោតសម្លាប់ខ្លួន ក្នុងពន្ធនាគារខេត្តកណ្តាល តែខ្លះថា ជាករណីវាយតប់គ្នា ធ្វើឲ្យមានការរិះគន់អំពីការធ្វេសប្រហែសរបស់សមត្ថកិច្ចនៅទីនេះ។ របាយការណ៍របស់ពន្ធនាគារ ខេត្តកន្តាលអះអាងថា ជននេះលោតសម្លាប់ខ្លួនកាលពីចុងខែធ្នូ ឆ្នាំ២០១៧ ដោយបានលោតសម្លាប់ខ្លួនពីស៊ីទែនផ្ទុកទឹកដ៏ធំក្នុងពន្ធនាគារ ។តែអ្នកដឹងរឿងច្បាស់អះអាងថា ទំនងមិនមែនជាករណីលោតសម្លាប់ខ្លួនទេ គឺជាករណីវាយតប់គ្នាក្នុងពន្ធនាគារ។ តែតុលាការហាក់មិនជឿកំពុងស៊ើបអង្កេតករណីនេះ ។
ប្រភពបានឲ្យដឹងថាជនត្រូវចោទឈ្មោះ មុត លីណាន ភេទប្រុស អាយុ៣១ឆ្នាំ ជាប់ចោទពីបទ «ធ្វើឱ្យខូចខាតដោយចេតនា» ប្រព្រឹត្តនៅភូមិទេពអរជូន ឃុំកោះខែល ស្រុកស្អាង កាលពីថ្ងៃទី១២ ខែធ្នូ ឆ្នាំ២០១៧ តាមមាត្រា៤១០នៃក្រមព្រហ្មទណ្ឌ។ ជននេះត្រូវបានលោក គឹម ម៉េង ចៅក្រមស៊ើបសួរសាលាដំបូងខេត្តកណ្តាល ឃុំខ្លួននៅថ្ងៃទី១៣ ខែធ្នូ ឆ្នាំ២០១៧។លោក ទិន សុចិត្រា អ្នកនាំពាក្យអយ្យការអមសាលាដំបូងខេត្តកណ្តាល ថ្លែងថា អយ្យការកំពុងស៊ើបអង្កេត ករណីនេះ ដោយពុំទាន់សម្រេចយ៉ាងណានៅឡើយទេ ៕ ប្រសើរ
