អ្នកចម្រៀង​និង​អ្នកបង្ហាញ​ម៉ូត​ជួញ​ដូរ​គ្រឿង​ញៀន ត្រូវកម្លាំងនគរបាលខណ្ឌមានជ័យ ឆ្មក់ចុះបង្ក្រាបនិងឃាត់ខ្លួន ដល់បន្ទប់ជួល

 

 

 

ភ្នំពេញ ៖ បុរសសង្ហារដែលជាជនសង្ស័យចំនួន០២នាក់ ដោយម្នាក់ជាអ្នកចម្រៀង​និងជាអ្នកបង្ហាញម៉ូតក្លាយជាអ្នកទោសគ្រឿងញៀន បន្ទាប់ពីត្រូវកម្លាំងនគរបាលខណ្ឌមានជ័យ ធ្វើការឃាត់ខ្លួនបាន និងឆែកឆេររកឃើញគ្រឿងញៀនចំនួន០២កញ្ចប់ធំរួមនិងឧបករណ៍ជក់ព្រមទាំងថង់សម្រាប់វេចខ្ចប់មួយចំនួនទៀត។ ករណីចុះបង្ក្រាបនិងឃាត់ខ្លួននេះ ធ្វើឡើងនៅវេលាម៉ោង០៩:២០នាទីយប់ ថ្ងៃទី០៨ ខែមករា ឆ្នាំ២០១៨នេះ នៅចំណុចផ្ទះជួលមួយកន្លែងម្ដុំផ្សារប៉េស្សេ ស្ថិតតាមបណ្ដោយផ្លូវ៣៧១ សង្កាត់ចាក់អង្រែលើ ខណ្ឌមានជ័យ ភ្នំពេញ។​ការ​ឆ្មក់បង្ក្រាបនេះកម្លាំងអធិការដ្ឋាននគរបាលខណ្ឌមានជ័យ និងកម្លាំងនគរបាលប៉ុស្តិ៍ចាក់អង្រែលើ បានសហការជាមួយសាលាសង្កាត់ចាក់អង្រែលើ រួមដោយមានការឯកភាពពីលោក គុជ គឹមឡុង ព្រះរាជអាជ្ញារង បានអនុញ្ញាតិឲ្យចុះត្រួតពិនិត្យឆែកឆេរបន្ទប់ជួលលេខ៤ ក្នុងផ្ទះគ្មានលេខ ផ្លូវ៣៧១ ក្រុម៩ ភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ ក៍បានឃាត់​ខ្លួន​ជនសង្ស័យ​ចំនួន០២នាក់, ដែល​មាន​​ឈ្មោះ៖ ១-សោម គឹមឌី ភេទប្រុស អាយុ ៣២ ឆ្នាំ ជនជាតិខ្មែរ មុខរបរអ្នកចំរៀង ស្នាក់នៅផ្ទះជួលខាងលើ កន្លែងកើតហេតុ (ឃាត់ខ្លួន) ។ ២-ម៉ៅ រស្មី ភេទប្រុស អាយុ៣២ ឆ្នាំ ជនជាតិខ្មែរ មុខរបរអ្នកបង្ហាញម៉ូត ស្នាក់នៅផ្ទះជួលខាងលើ កន្លែងកើតហេតុ (ឃាត់ខ្លួន)។ វត្ថុតាងដកហូតបានរួមមាន៖ ក្រាមពណ៍ស​ថ្លា​ (សង្ស័យ​ជាគ្រឿងញៀន) ចំនួន០២កញ្ចប់(ធំ១ ចង់តូច១)និងថង់ប្លាស្ទីកសម្រាប់ច្រក១ចំនួន។ ប្រាក់១០០$ និងប្រាក់រៀល៥០០០០រៀល ទូរសព្ទដៃ២គ្រឿងម៉ាក អាយហ្វូន7 ពណ៌ខ្មៅ១គ្រឿង និង អាយហ្វូន5 ពណ៌ស១គ្រឿង និងម៉ូតូ១គ្រឿងម៉ាកស្កុបពី ពណ៌ក្រហម ស្លាកលេខកណ្តាល 1E-0754 ។

បច្ចុប្បន្នជនសង្ស័យទាំង២នាក់នោះ រួមនិងវត្ថុតាំងគ្រឿងញៀន ២កញ្ចប់នោះ ត្រូវបានប្រគល់ឲ្យនគរបាលប៉ុស្តិ៍សង្កាត់ចាក់អង្រែលើធ្វើការឃុំខ្លួនធ្វើការសាកសួរដើម្បីរងចាំកសាងសុំនំរឿងបញ្ជូនទៅអធិការដ្ឋាននគរបាលខណ្ឌមានជ័យ៕​បញ្ញា​

 

 

Leave a Reply

Your email address will not be published. Required fields are marked *