ជនសង្ស័យ២​នាក់​ត្រូវ​កម្លាំង​នគរបាលខណ្ឌសែនសុខឃាត់ខ្លួនករណីលួចនិងទទួលផលចោរកម្ម

ភ្នំពេញ៖ ជនសង្ស័យ២នាក់ត្រូវកម្លាំងនគរបាលខណ្ឌសែនសុខធ្វើការឃាត់ខ្លួនក្នុងករណីលួចម៉ូតូនិងទទួលផលចោរកម្ម។ហេតុការណ៍​ឃាត់ខ្លួនជនង្ស័យខាងលើនេះកាលពី ថ្ងៃ អង្គារ ១៣ កើត ខែ ផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ២៧ ខែ កុម្ភៈ ឆ្នាំ ២០១៨ វេលាម៉ោង៧និង០០នាទីីល្ងាចនៅចំណុចបន្ទប់ជួល ភូមិរោងចក្រ សង្កាត់គោកឃ្លាង ខណ្ឌសែនសុខ។

ជនសង្ស័យទី១ឈ្មោះ ភន ភា ហៅ ហៀរ ភេទប្រុសអាយុ២១ឆ្នាំមុខរបរមិនពិតប្រាកដ ស្នាក់នៅសង្កាត់គោកឃ្លាង ខណ្ឌសែនសុខ (ជាអ្នកលួចនិងមានសារធាតុញៀន)។ ទី២ឈ្មោះ អុិត បូរិន ហៅ ម៉ៅ ភេទប្រុសអាយុភេទប្រុសអាយុ២១ឆ្នាំ មុខរបរមិនពិតប្រាកដស្នាក់នៅបន្ទប់ជួល ផ្លូវលំ សង្កាត់ស្រះចក ខណ្ឌដូនពេញ ជាអ្នកទិញយកទៅលក់បន្តទៀត(ទទួលផល)។ចំណែកជនរងគ្រោះឈ្មោះ ញន សារួន ភេទប្រុសអាយុ២២ឆ្នាំមុខរបរកម្មកររោងចក្រដេរ ស្នាក់នៅបន្ទប់ជួល ផ្លូវលំ ភូមិរោងចក្រ សង្កាត់គោកឃ្លាង ខណ្ឌសែនសុខ។

តាម​ប្រភពពីជនរងគ្រោះបានប្រាប់​កម្លាំងនគរបាល​បាន​អោយ​ដឹង​ថា កន្លងមកខ្លួននិងជនសង្ស័យបានជួលបន្ទប់ស្នាក់នៅក្បែរគ្នានិងស្គាល់គ្នាហើយជនសង្ស័យធ្លាប់ខ្ចីម៉ូតូរបស់ខ្លួន១គ្រឿងម៉ាក ស៊ុយសុីគីនិច ព័ណស សេរីឆ្នាំ២០១៦ ពាក់ស្លាកលេខភ្នំពេញ 1CL 40096 ជាច្រើនដងក្រោយមកជនសង្ស័យក៍ប្រើល្បិចយកកូនសោរទៅចំលងទុកនៅនិងខ្លួន។លុះដល់ថ្ងៃទី២៦ខែកុម្ភៈឆ្នាំ២០១៨វេលា​ម៉ោង១២និង០០នាទីយប់រំលោងអាធ្រាត្រជនសង្ស័យបានយកកូនសោរដែលខ្លួនចំលងទុកនោះទៅចាក់ម៉ូតូរបស់ជនរងគ្រោះដែលទុកនៅក្បែជណ្តើររួចបណ្តើរចេញហើយក៍ជិះយកទៅឲ្យឈ្មោះ អុិត បូរិន ហើយជនសង្ស័យឈ្មោះអុិត បូរិន យកទៅលក់បានតំលៃ៤៥០ដុល្លាសុីចាយអស់។លុះដល់ថ្ងៃទី២៧ ខែកុម្ភៈ ឆ្នាំ២០១៨វេលាម៉ោងខាងលើជនរងគ្រោះបានឃើញជនសង្ស័យក្នុងបន្ទប់ក៍រាយការណ៍មកសមត្ថកិច្ចឲ្យឃាត់ខ្លួនតែម្តង។
តាម​ចំលើយ​សារភាព​របស់​ជនសង្ស័យ​នៅចំពោះមុខសមត្ថកិច្ច​បាន​និយាយ​ថាពួកខ្លួនពិតជាបានធ្វើសកម្មភាពលួចយកម៉ូតូរបស់ជនរងគ្រោះពិតប្រាកដមែន។

បច្ចុប្បន្នជនសង្ស័យទាំងពីរ​នាក់កំពុង​ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅតុលាកាចាត់ការបន្ត៕៩៨

Leave a Reply

Your email address will not be published. Required fields are marked *