រថយន្ត​ធន់​តូច​ចង់​សាក​ជា​មួយ​រថយន្ត​ធំ​រង​របួស​ធ្ងន់​២នាក់​

ភ្នំពេញ៖ជន​ជាតិ​ចិន​៣នាក់​ជិះ​រថយន្ត​មួយ​គ្រឿង​ស្រវឹង​ស្រា​ទៅ​បុក​រថយន្ត​កង់​តឺន័រ​បណ្ដាល​អោយ​រងរបួសធ្ងន់​។​ហេតុការណ៍​ដ៏គួរឲ្យភ្ញាក់ផ្អើលមួយបានកើតឡើង នៅ​វេលា​ម៉ោង​៩​និង១០ នាទីយប់ ថ្ងៃ​ទី​១៦ មីនា ២០១៨​នេះ ស្ថិត​នៅ​តាម​បណ្ដោយ​ផ្លូវជាតិ​លេខ​៣ នៅ​ជិត​កងពលតូចលេខ៧​(​ង​៧០) ក្នុងភូមិ​ព្រៃ​ព្រីង​ខាងត្បូង សង្កាត់​ចោម​ចៅ​២ ខណ្ឌ​ពោធិ៍​សែន​ជ័យ​។

តាម​ប្រភព​ព័ត៌​មាន​ពី​កន្លែង​កើតហេតុ​បាន​ឲ្យ​ដឹង​ថា នៅ​មុន​ពេល​កើតហេតុ គេ​ឃើញ​រថយន្ត​កុងតឺន័រ ម៉ាក​ហ៊ី​យ៉ា​ន់​ដាយ ពាក់​ស្លាក​លេខ ភ្នំពេញ 3E-1563 បើកបរ​ក្នុង​ទិស​ដៅ​ពី​ត្បូង​ទៅ​ជើង ជា​រថយន្ត​របស់​ក្រុមហ៊ុន ហា​យ ម៉ៅ​ហួរ​។រីឯ​រថយន្ត​មួយ​គ្រឿង​ទៀត បើកបរ​ក្នុង​ទិស​ដៅ បញ្ច្រាស​គ្នា​ពី​ជើង​ទៅ​ត្បូង ម៉ា​កវី​ស្តូ​ពណ៌​លឿង ពាក់​ស្លាក​លេខ ភ្នំពេញ 2R-2208 ជិះ​គ្នា​៣​នាក់​សុទ្ធតែ​ជនជាតិ​ចិន​។ លុះ​មក​ដល់​កន្លែង​កើតហេតុ រថយន្ត​ម៉ា​កវី​ស្តូ បាន​រេ​ចង្កូត​បុក​រថយន្ត​កុងតឺន័រ​ពេញទំហឹង បណ្ដាល​ឲ្យ​បែក​កញ្ចក់​មុខ ខ្ទេចផ្នែកខាងមុខនៃរថយន្ត ហៀរ​ប្រេង ហើយ​រង​របួសធ្ងន់ ២​នាក់ ត្រូវ​បាន​រថយន្ត​សង្គ្រោះ​ដឹក​ទៅ​សង្គ្រោះ​នៅ​មន្ទីរពេទ្យ លោកសង្ឃ​ផង​ដែរ​។

ក្រោយ​ពេល​កើតហេតុ តៃកុង​រថយន្ត​កុងតឺន័រ​បាន​រត់​ចុះ​គេចខ្លួន​បាត់​ស្រមោល បន្សល់​ទុក​តែ​រថយន្ត ដើម្បី​ឲ្យ​ជំនាញ​ចរាចរណ៍​ជើង​គោក​ធ្វើការ​វាស់វែង រង់ចាំ​តំណាង​ភាគី​ទាំង​សងខាង​មក​ដោះស្រាយ​ជា​ក្រោយ​៕​៩៨

Leave a Reply

Your email address will not be published. Required fields are marked *