ភ្នំពេញ ៖ រថយន្តម៉ាក នីសាន់ណាវ៉ារ៉ា មួយគ្រឿងបើកបរក្នុងល្បឿនលឿន បានរ៉េចង្កូតទៅបុកនឹងម៉ូតូវីវ៉ាជិះដោយបុរស២នាក់ក្នុងទិសដៅបញ្ច្រាសគ្នា បណ្តាលរងរបួសធ្ងន់។ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ថ្ងៃទី១៣ខែធ្នូឆ្នាំ២០១៦ស្ថិតនៅតាមបណ្តោយផ្លូវជាតិ៤ មុខបុរីញ៉ូថោន ភូមិអង្គសង្កាត់ចោមចៅខណ្ឌពោធិសែនជ័យ ។
អ្នកបើកបររថយន្តបង្កមិនត្រូវបានគេស្គាល់ឈ្មោះនោះទេដោយម៉ាកនីសាន់ណាវ៉ារ៉ាពណ៌ទឹកប្រាក់ ពាក់ស្លាក់លេខ2A-7756ជិះដោយនារី២នាក់។ចំណែកឯអ្នកបើកបរម៉ូតូរងគ្រោះក៏មិនត្រូវបានគេស្គាល់ឈ្មោះនោះដែរ ដោយបើកបរម៉ូតូម៉ាកស៊ុយសូគី ពណ៌ខ្មៅ ពាក់ស្លាកលេភ្នំពេញ1Y7345ជិះគ្នា២នាក់។
តាមប្រភពព័ត៌មានពីកន្លែងកើតហេបានឲដឹងថា នៅមុនពេលកើតហេតុគេឃើញម៉ូតូរងគ្រោះម៉ាកស៊ុយសូគីវីវ៉ាជិះដោយបុរស២នាក់ធ្វើដំណើរតាមបណ្តោយផ្លូវជាតិ៤ ក្នុងទិសដៅពីកើតទៅលិច។ ចំណែកឯរថយន្តបង្កម៉ាក នីសាន់ណាវ៉ារ៉ា ពណ៌ទឹកប្រាក់ បើកបរដោយស្ត្រីម្នាក់រួមដំណើរជាមួយនារីម្នាក់ទៀត ធ្វើដំណើរក្នុងទិសដៅបញ្ច្រាសទិសគ្នា ខណៈមកដល់ចំណុចកើតហេតុ ស្រាប់តែរថយន្តបង្ករ៉េចង្កូតបត់មកឆ្វេងដៃ ទៅបុកម៉ូតូរងគ្រោះ ពេញទំហឹង បណ្តាលឲ្យជនរងគ្រោះរងរបួសធ្ងន់២ទាំងនាក់។ បន្ទាប់មករថយន្តបង្កព្យាយាមបើករត់ចូលទៅក្នុងបុរីញ៉ូថោនទាំងបែកកង់ខាងស្តាំបើកទៅមុខលែងរួចក៏ត្រូវសមត្ថកិច្ចមូលដ្ឋានឃាត់បានតែភាគីខាងរថយន្តមិនចុះពីលើរថយន្តសោះ។ ហើយនគរបាលជំនាញខណ្ឌទុកអោយជំនាញក្រុងយករថយន្តស្ទូចមកស្ទូចរថយន្តបង្កតែម្តង។ដោយឡែកជនរងគ្រោះត្រូវរថយន្តសង្គ្រោះរបស់ក្លីនិកឯកជន(រស្មី )មកដឹកទៅព្យាបាលភ្លាមៗ។
ក្រោយពេលកើតហេតុ នគរបាលជំនាញចរាចរណ៍ខណ្ឌ សហការជាមួយនគរបាលជំនាញចរាចរណ៍ក្រុងបានចុះមកវាស់វែង នាំយករថយន្តបង្កនិងម៉ូតូជនរងគ្រោះធ្វើឯកសារ យកទៅកាន់ការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីរងចាំការដោះស្រាយគ្នានៅពេលក្រោយ៕សារ៉េត