បើក​រថយន្ត​ឆ្លង​ផ្លូវ​ត្រូវ​ម៉ូតូ​បុក​បង្ក​អោយ​រង​របួស​ធ្ងន់​២នាក់​នៅ​ក្រុង​តាខ្មៅ​

0
213

 
ខេត្តកណ្តាល​៖​មាន​ហេតុ​ការណ៍​គ្រោះ​ថ្នាក់​ចរាចរណ៍​មួយ​រវាង​រថយន្ត​ស្លាកលេខ​ខេមរភូមិន្ទ​នឹង​ម៉ូតូ​បណ្តាល​ឲ្យ​នារី​២នាក់​រង​របួស​ធ្ងន់​ ខណៈ​ដែល​ជិះ​ម៉ូតូ​លឿន​ខ្វះ​ការ​ប្រុងប្រយ័ត្ន​ត្រូវ​រថយន្ត​បត់​ជ្រុល​ទៅ​បុក​។ ហេតុការណ៍​នេះ​បាន​កើត​ឡើង​កាល​ពី​ថ្ងៃទី១៣ខែធ្នូ ឆ្នាំ២០១៦ វេលាម៉ោង២១និង៣០នាទីយប់​ ត្រង់ចំណុចមុខរោងចក្រហ្គាវន្ត័(អតីតរោងចក្រកង់ឡាន)លើផ្លូវលេខ២១០ ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ។
តាម​ប្រភព​ព័ត៌មាន​ពី​កន្លែង​កើត​ហេតុ​បាន​ឲ្យ​ដឹង​ថា​នៅ​មុន​ពេល​កើត​ហេតុ​គេ​ឃើញ​ម៉ូតូម៉ាកSuzuki Smash ពណ៌​ខ្មៅ ពាក់ស្លាកលេខ ភ្នំពេញ 1U-8782(គ្មានកញ្ចក់មើលក្រោយនឹងមិនពាក់មួកសុវត្ថិភាព)បើកបរដោយ​ឈ្មោះប៊ុន ស្រីរត្ន័ ភេទស្រីអាយុ១៧ឆ្នាំ(របួសធ្ងន់) មានទីលំនៅក្នុងភូមិព្រែកគល់ទទឹង សង្កាត់ព្រែកថ្មី ខណ្ឌច្បារអំពៅ នឹងអ្នករួមដំណើរពីក្រោយឈ្មោះប៊ុន ស្រីវ៉ាន់ ភេទស្រីអាយុ១៨ឆ្នាំ(របួសធ្ងន់)មានទីលំនៅក្នុងភូមិឃុំជាមួយគ្នាបើកបរក្នុងទិសដៅពីជើងទៅត្បូងមកដល់ចំណុចខាងលើបានបុកជាមួយរថយន្តម៉ាក4Runner ពណ៌ខ្មៅ ពាក់ស្លាកលេខ ខេមរភូមិន្ទ 2-0446បើកបរដោយ​ឈ្មោះរឹម កន ភេទប្រុស អាយុ៦០ឆ្នាំ មានទីលំនៅក្នុងភូមិព្រែកសំរោង សង្កាត់តាខ្មៅ ក្រុងតាខ្មៅធ្វើដំណើរក្នុងទិសដៅពីជើងទៅត្បូង​ស្រប​ទិស​គ្នា​(បត់ឆ្វេងផុតគំនូសចែកទ្រូងផ្លូវ)បណ្តាលអោយ​ជន​រងគ្រោះ​អ្នក​បើកបរ​ម៉ូតូនឹងអ្នករួមដំណើរពីក្រោយរងរបួសធ្ងន់ត្រូវបានសាច់ញាត្តិដឹកយកទៅព្យាបាលនៅគ្លីនិកកែវ សាន្ត។រីឯមធ្យោបាយទាំង២ត្រូវបានកម្លាំង​នគរបាល​ក្រុង​តាខ្មៅ​យកមកកាន់អធិការដ្ឋានដើម្បីចាត់ចែងតាមនីតិវិធី​៕​សារ៉េត​

 

 

LEAVE A REPLY

Please enter your comment!
Please enter your name here