លង់ស្នេហ៍តាមហ្វេសប៊ុក​ រត់ចោលប្តីនិងកូនប្រុសទៅអោបក្មេងស្ទាវញៀនថ្នាំ

0
300

ភ្នំពេញ ៖ បុរសវ័យ២៨ ឆ្នាំ ម្នាក់បានកាន់រូបថតភរិយាដ៏ស្រស់ស្អាតរបស់គាត់​ចូលទៅ​កាន់ប៉ុស្តិ៍ នគរបាលរដ្ឋបាលស្ទឹងមានជ័យ ខណ្ឌមានជ័យ នាព្រឹកថ្ងៃទី១៥ ខែ ធ្នូឆ្នាំ ២០១៦ ដើម្បីឲ្យជួយស្រាវជ្រាវរក បន្ទាប់ពីដឹងថាភរិយាដែលមានកូនម្នាក់ជាមួយខ្លួនទៅហើយនោះ បានលង់ស្នេហ៍ជាមួយប្រុសក្មេងតាមហ្វេសប៊ុក ហើយនាំគ្នាពង្រត់មកសម្ងំសុខនៅម្តុំវត្តស្ទឹង​មានជ័យ។

បុរសម្នាក់នេះឈ្មោះ នាង ឃុន នី អាយ ២៨ឆ្នាំ បានរៀបរាប់ប្រាប់សមត្ថកិច្ចនគរបាលប៉ុស្តិ៍ស្ទឹងមានជ័យទាំងរលីង​រលោងទឹកភ្នែកថា រូបគាត់នឹងប្រពន្ធអាយុ២៥ឆ្នាំបានរៀបការជាមួយគ្នាតាមច្បាប់​អស់​រយៈពេលជាង៥ឆ្នាំ មកហើយនៅស្រុកល្វាឯម ខេត្តកណ្តាល ដែលមកដល់ពេលនេះមានកូន​ប្រុស​​អាយុ៣ឆ្នាំម្នាក់កំពុងរស់នៅក្នុងបន្ទុក ។ ក្នុងមួយរយៈចុងក្រោយនេះប្រពន្ធរបស់​គាត់​បាន​ទិញទូរស័ព្ទទំនើបមួយគ្រឿងហើយបានបង្កើត ហ្វេសប៊ុកផ្ទាល់ខ្លួន រហូតលេង​ឆាតតាម​ហ្វេសប៊ុកមានទំនាក់ទំនងស្នេហាជាមួយយុវជនស្ទាវ ម្នាក់ដែលរស់នៅក្បែរវត្ត​ស្ទឹងមានជ័យនេះ ។

បុរសរូបនេះរៀបរាប់ទៀតថា គាត់បានដឹងរឿងប្រពន្ធលង់ស្នេហ៍ក្មេងស្ទាវតាមហ្វេស​ប៊ុកដែលរស់នៅម្តុំវត្តស្ទឹងមានជ័យ ហើយគាត់បានប្រាប់ឲ្យប្រពន្ធឈប់លេងដែរ តែ​​មិនស្តាប់នៅតែលួចលេង រហូតលង់ស្នេហ៍ជ្រៅទៅៗ រត់តាមក្មេងស្ទាវម្នាក់នេះទាល់តែបាន ហើយអ្វីដែលគាត់ខ្លាចបំផុតនោះគឺក្មេងស្ទាវម្នាក់នេះញៀនថ្នាំទៀតផងខ្លាចប្រពន្ធគ្រោះថ្នាក់ និងល្បែងបោកបញ្ឆោរបស់ក្មេងស្ទាវ ៕ អូន ធួក

 

LEAVE A REPLY

Please enter your comment!
Please enter your name here