ភ្នំពេញ៖ ក្រុមចោរជំនាញឆក់កាបូបស្ទើររាល់ថ្ងៃអស់លក្ខណ៍ជាប់អន្ទាក់ប្រជាពលរដ្ឋចាប់ប្រគល់អោយនគរបាលខណ្ឌ ខណៈដែលជនសង្ស័យមានគ្នា២នាក់បានធ្វើសកម្មភាពឆក់ ការបូបពីជនជាតិបរទេសតែមិនបានសម្រេចត្រូវបានប្រជាពលរដ្ឋដេញចាប់បានម្នាក់ចំណែកម្នាក់ទៀតគេចខ្លួនបាត់ ។
ហេតុការណ៍ពីវេលាម៉ោង១៧និង២០នាទីយប់ថ្ងៃទី១៥ ខែធ្នូឆ្នាំ២០១៦ ស្ថិតនៅតាមបណ្តោយផ្លូវលេខ១៥៨ កែង៦៣ ស្តិតក្នុងសង្កាត់បឹងរាំង ខណ្ឌដូនពេញ។
ជនសង្ស័យឈ្មោះរ៉េត មករា ហៅក្តី ភេទប្រុសអាយុ២៤ឆ្នាំ មុខរបមិនពិតប្រកដស្នាក់នៅ ផ្ទះលេខ១៥០ ផ្លូវ៩៣សង្កាត់មនោរម្យខណ្ឌ៧មករា ។
តាមប្រភពពត៌មានពីប្រជាពលរដ្ឋនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញជនជាតិបរទេសមានគ្នា៣នាក់បានដើតាមបណ្តោយផ្លូវលេខ១៥៨ក្នុងទិសដៅពីកើតទៅលិច ខណៈដែលមកដល់ចំណុចកើតហេតុស្រាប់តែមានជនសង្ស័យមានគ្នា២នាក់ជិះម៉ូតូម៉ាក ហុងដា សេ១១០(សង់ចិន)មួយគ្រឿងពណ៌ខ្មៅមិនចាំស្លាកលេខបានមកពីក្រោយហើយអ្នកបើកបរបានធ្វើសកម្មភាពឆក់ការបូបស្ពាយពីជនជាតិបរទេសនោះតែមិនបានសម្រេចភ្លាមនោះជនរងគ្រោះបានស្រែកឆោឡោឡើងបង្កការភ្ញាក់ផ្អើលដល់ប្រជាពលរដ្ឋដែលនៅក្បែរនាំគ្នាដេញតាមចាប់ប្រហែល១០០ម៉ែត្រជនសង្ស័យក៏ជិះម៉ូតូដួលទើបប្រជាពលរដ្ឋចាប់បានម្នាក់ចំណែកម្នាក់ទៀតលើកម៉ូតូបន្តជិះគេចខ្លួនបាត់ស្រមោលបន្សល់ទុកតែបក្ខពួកម្នាក់នូវកន្លែងកើតហេតុ។
ក្រោយពេលកើតហេតុជនសង្ស័យត្រូវបានប្រជាពលរដ្ឋស្វាគមន៍ម្នាក់មួយដៃមួយជើងទើបប្រគល់អោយនគរបាលយកទៅសាកសួនៅអធិការដ្ឋាននគរបាលខណ្ឌដូនពេញ។
គគួបញ្ជាក់ថាទីតាំងខាងលើនេះតែងតែមានករណីជនសង្ស័យធ្វើសកម្មភាពឆក់ញឹកញាប់ព្រោះទីនោះសម្បូជនជាតិបរទេធ្វើដំណើរឆ្លងការថែមទាំងជាកម្លែងស្ងាត់និងងងឹតទៀតផង ប៉ុន្តែកងកម្លាំងឬអាជ្ញាធរបង្ក្រាបទប់ស្កាត់បានម្តងណាឡើយបានត្រឹមតែសាកសួរធ្វើរបាយការណ៍ប៉ុណ្ណោះហើយចប់សាច់រឿង៕សារ៉េត