ភ្នំពេញ ៖រថយន្តម៉ាកឡិចស៊ីស RX ៣០០ មួយគ្រឿងសង្ស័យម្ចាស់ស្រវឹងជោគជាំ បានបើករថយន្តរ៉េទៅបុករបាំងថ្មខ្ទេចរថយន្តធ្ងន់ធ្ងរទៅមុខលែងរួច តែសំណាងល្អម្ចាស់រថយន្តមិនមានរបួស និង បង្កគ្រោះថ្នាក់ដល់អ្នកដទៃ។ហេតុការណ៍នេះ បានកើតឡើងកាលពីវេលាម៉ោង ០០និង៣០នាទីយប់រំលងអាធ្រាត្រឈានចូលថ្ងៃទី ១៦ ខែធ្នូ ឆ្នាំ ២០១៦ ត្រង់ចំនុចមុខមន្ទីរពេទ្យព្រះកុសមះ ស្ថិតនៅតាមបណ្ដោយផ្លូវ២៧១ក្នុងភូមិត្រពាំងឈូកក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានអោយដឹងថាមុនពេលកើតហេតុខណះមេឃកំពុងតែភ្លៀងខ្លាំងមានរថយន្តមួយគ្រឿងម៉ាកឡិវស៊ីសពណ៍សពាក់ស្លាកលេខភ្នំពេញ2AH- 6825 បើកបរដោយបុរសម្នាក់រួមដំណើរដោយបុរសម្នាក់ទៀតមិនស្គាល់អត្តសញ្ញាណបើកបរតាមផ្លូវ២៧១ ក្នុងទិសដៅពីជើងទៅត្បូងក្នុងល្បឿនលឿននិងមានភ្លៀងខ្លាំងហើយម្ចាស់រថយន្តបង្កទំនងជាស្រវឹងថែមទៀតនោះទើបបានមកដល់ចំនុចកើតហេតុរថយន្តខាងលើបានរ៉េចង្កូតទៅបុកក្បាលនាគពុះចែកទ្រូងផ្លូវបណ្ដាលអោយរថយន្តបុកជាប់ទៅនិងក្បាលនាគខូចខាតរថយន្តផ្នែកខាងមុខ និងផ្ទុះពោងការពារទៀតផង ចំណែកក្បាលនាគពុះចែកទ្រូងផ្លួវវិញគ្រាន់តែវៀចចេញពីទ្រង់ទ្រាយដើមតែប៉ុណ្ណោះ ។
ក្រោយពេលកើតហេតុដោយសារតែសមត្ថកិច្ចមិនទាន់មកអន្តរាគមន៍នៅនិងកន្លែងកើតហេតុបុរសជាម្ចាស់រថ យន្តរួមជាមួយអ្នករួមដំណើរបានចេញមកទាំងសភាពឈរមិននឹង នាំគ្នាឡើងកាត់ស៊ីគេចខ្លួនបាត់ទុកតែរថយន្តនៅរចាំជំនាញចរាចរណ៍ក្រុងមកស្ទូវរថយន្តបង្កយកទៅរក្សាទុកនៅការិយា័យចរាចរណ៍ផ្លូវគោកនៃស្នងការនគរ បាលរាជធានីភ្នំពេញ រងចាំការដោះស្រាយនៅពេលក្រោយ ៕សិរសា