ខេត្តកណ្តាល៖រថយន្តប្រភេទដឹកទំនិញមួយគ្រឿងធ្លាក់ប្រឡាយ ខណៈដែលអ្នកបើកបរងងុយដេកមួយភាំងបណ្ដាលក្រឡាប់រងរបួសធ្ងន់ស្រាល៤ត្រូវរថយន្តសង្គ្រោះដឹកយកទៅព្យាបាលនៅមន្ទីរពេទ្យភ្នំពេញ។ហេតុការណ៍នេះបានកើតឡើងកាលពីវេលាម៉ោង៤:៣០នាទីទាបភ្លឺថ្ងៃទី១៦ខែធ្នូឆ្នាំ២០១៦ស្ថិតនៅតាមបណ្ដោយផ្លូវជាតិលេខ៦ចន្លោះគីឡូមែត្រលេខ32-33 ស្តិតនៅភូមិសាមគ្គី ឃុំព្រែកដំបង ស្រុកមុខកំពូលខេត្ត កណ្ដាល ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញរថយន្តមួយគ្រឿងម៉ាកហុីយ៉ាន់ដាយពណ៌សលាយត្រួយចេកពាក់ស្លាកលេខភ្នំពេញ3D1208(អ្នកបើកបររត់បាត់) ធ្វើដំណើរពីជើងទៅត្បូង លុះមកដល់ចំណុចកេីតហេតុខាងលេីអ្នកបេីបរងងុយដេកមួយភាំងហើយដល់ផ្លូវកោងផងនោះបណ្ដាលឲ្យរថយន្តក្រឡាប់ធ្លាក់ចូលប្រឡាយរបួសមនុស្សចំនួន០៤នាក់ប្រុសទាំងអស់ក្នុងធ្ងន់ម្នាក់ស្រាល៣នាក់។
១)ឈ្មោះ នង ងន់ឡែនអាយុ២៦ឆ្នាំមានទីលំនៅភូមិអង្គួញដីឃុំ
ក្រឡាស្រុកកំពង់សៀមខេត្តកំពង់ចាម(ជាម្ចាស់រថយន្ត របួសធ្ងន់)។
២)ឈ្មោះ ធី ធឿន ភេទប្រុសអាយុ៤៨ឆ្នាំនៅភូមិទួលវែងឃុំក្រឡាស្រុកកំពង់សៀមខេត្តកំពង់ចាម (កម្មកររបួសស្រាល)។
៣)ឈ្មោះ ធឿន ថុន ភេទប្រុសអាយុ២១ឆ្នាំនៅភូមិជាមួយគ្នា(ជាកម្មកររបួសស្រាល)។
៤ឈ្មោះរឿន ឡៃ ភេទប្រុសអាយុ៣០ឆ្នាំ នៅភូមិគមហាឃុំវិហារគ៍ធំស្រុកកំពង់សៀមខេត្តកំពង់ចាម(កម្មកររបួសស្រាល)។
ក្រោយពីកើតហេតុគេឃើញសមត្ថកិច្ចមូលដ្ឋានបានចុះទៅកន្លែងកើតហេតុដើម្បីធ្វើចរាចរណ៍និងទំនាក់ទំនងហៅរថយន្តសង្គ្រោះដឹកជនរងគ្រោះទៅព្យាបាលនៅមន្ទីរពេទ្យភ្នំពេញ។ចំណែករថយន្តបង្កកំពុងរករថយន្តស្ទូច យកមករក្សាទុកនៅអធិការដ្ឋាននគរបាលស្រុកមុខកំពូលរងចាំម្ចាស់មកដោះស្រាយ៕សារ៉េត