គយច្រកទ្វារព្រលានយន្តហោះសៀមរាប ចាប់ទូរស័ព្ទដៃ និងឡេបថប ៧១ គ្រឿង

0
204

សៀមរាប)៖ គយប្រចាំអាកាសយានដ្ឋានអន្តរជាតិសៀមរាប បានឆែកឆេរ និងចាប់បានទូរស័ព្ទដៃទំនើប និងកុំព្យូទ័រសរុប ៧១គ្រឿង ដែលជារបស់ជនជាតិចិនម្នាក់លួចនាំចូលពីប្រទេសចិន ដោយមិនបង់ពន្ធនានៅវេលាម៉ោង ១០និង២០នាទីយប់ថ្ងៃទី១៧ ខែធ្នូ ឆ្នាំ២០១៦នេះ ដែលគ្រឿងអេឡិចទ្រនិចទាំងនេះជារបស់ឈ្មោះ Chen Anhui ភេទប្រុស អាយុ ២៧ឆ្នាំ ជាជនជាតិចិន កាន់លិខិតឆ្លងដែនលេខE72577910។

មន្រ្តីគយ បានឲ្យដឹងទៀតថា ជនសង្ស័យ បានធ្វើដំណើរមកពីប្រទេសចិន ហើយប្តូរជើងហោះហើរនៅទីក្រុងមេនីឡា ប្រទេសហ្វីលីពិន ហោះឆ្ពោះមកទីក្រុងសៀមរាប តាមជើងហោះហើរលេខ 5J 257(MNL-REP)។

ទូរស័ព្ទ និងកុំព្យូទ័រ ដែលជនជាតិចិនលួចនាំចូលទាំងមិនបង់ពន្ធនេះរួមមនា៖ ទូរស័ព្ទ Iphone 5 ចំនួន ៤០គ្រឿង កុំព្យូទ័រ Laptop នៅថ្មីម៉ាក Asus ចំនួន ២០គ្រឿង, ម៉ាក Lenovo ចំនួន ៥គ្រឿង និងកុំព្យូទ័រ Laptop ប្រើរួចម៉ាក Lenovo ចំនួន ២គ្រឿង និងម៉ាក Asus ចំនួន ៤គ្រឿង។

សម្ភារះនិងជនសង្ស័យ ត្រូវបានសមត្ថកិច្ចគយធ្វើកំណត់ហេតុល្មើសច្បាប់គយបញ្ចូនទៅអគ្គនាយកដ្ឋានគយ និងរដ្ឋាករកម្ពុជា ដើម្បីសម្រេចដោះស្រាយទៅតាមនីតិវិធី៕ប្រសើរ

 

LEAVE A REPLY

Please enter your comment!
Please enter your name here