នាង​ប៉ុប​ពី ស្រវឹង​​បើកឡាន​បុក​ទ្រូងផ្លូវបាក់អស់ពីរកង់

0
227

ភ្នំពេញ)៖ នាង ប៉ុប ពី ដែលជាតារាសម្តែង បាន​បើករថយន្ដ​ទាំង​ស្រវឹង​បើក​ក្នុង​ល្បឿន​លឿន​បុករបាំងថ្ម​ពុះ​ចែក​ទ្រូងផ្លូវ​ពេញទំហឹង​បណ្ដាលអោយ​របាំង​ថ្ម​ពុះ​មួយ​កង់​ខ្ទាត​ចេញពី​គ្នា​ជិត២០ម៉ែត្រ​ហើយ​រថយន្ដ​ដាច់​កង់​ខាងមុខ​ទៅមុខ​លែងរួច  កាលពីវេលា​ម៉ោង០៣និង២០នាទី យប់ឈានចូល ថ្ងៃទី២១ ខែធ្នូ ឆ្នាំ២០១៦ តាម​បណ្ដោយ​ផ្លូវ​លេខ២១៥កែង​នឹង​ផ្លូវ​លេខ១៥៦ ស្ថិតក្នុង​សង្កាត់​វាល​វង្ស ខណ្ឌ៧មករា រាជធានី​ភ្នំពេញ។

រថយន្ដ​ដែល​នាង​ប៉ុប​ពី​ជិះ​ម៉ាក​កាមរី​បា​ឡែ​ន ព​ណ៍ស ពាក់​ស្លាក​លេខ ភ្នំពេញ​2Y-5841 ដែល​បើកបរ​ដោយ​នាង​ប៉ុប​ពី​ផ្ទា​ល់ហើយ​ស្ថិតក្នុង​ស្ថានភាព​ស្រវឹង​ស្រា ក្រោយពីចេញពីមកពីចូលរួមជប់លៀងក្នុងកម្មវិធីមួយ ។

សាក្សីឲ្យដឹងថា នៅ​មុនពេល​កើតហេតុ​គេ​បានឃើញ​រថយន្ដ​របស់នាង ប៉ុបពីបើក​លឿន​ធ្វើដំណើរ​តាម​បណ្ដោយ​ផ្លូវ​លេខ២១៥ ទិសដៅ​ពី​ត្បូង​ទៅ​ជើងហើយពេល​មកដល់​ចំណុចកើតហេតុ​បាន​ជ្រុល​បុក​របាំង​ថ្ម​ពុះ​ចែក​ទ្រូងផ្លូវ​ពេញទំហឹង​បណ្ដាលអោយ​របាំង​ថ្ម​ចំនួន​មួយ​កង់​ខ្ទាត​ចេញពី​គ្នា​ជិត២០ម៉ែត្រ​ចំណែក​រថយន្ដ​ដាច់​កង់​ខាងមុខ​ផ្នែក​ខាងឆ្វេង​បន្តដំណើរ​ទៅមុខ​លែងរួច​ក្នុង​ហេតុ​នេះដែរ​គឺ​មិន​បណ្ដាលអោយមាន​អ្នករបួស​នោះទេ។បន្ទាប់មកកញ្ញា ប៉ុប ពី បាន​ចុះ​ពី​រថយន្ដ បាន​ត្រឺ​ម​ឈរ​សើច​និង​ចុច​ទូរស័ព្ទ​ហៅគ្នីគ្នាប៉ុណ្ណោះ ដោយ​មិនបាន​និយាយ​អ្វី​ទាំងអស់ ៕ អូន ធួក

LEAVE A REPLY

Please enter your comment!
Please enter your name here