ឆេះតូបផ្សារត្រពាំងក្រសាំង អស់មួយតូបបង្កផ្អើលឡានទឹកចេញពន្លត់​ទាន់​ពេល​មិនគ្រោះ​ថ្នាក់​ដល់​អាយុ​ជីវិត​

0
224


ភ្នំពេញ​៖​តូបលក់ឥវ៉ាន់នៅផ្សារ ត្រពាំងក្រសាំងមួយកន្លែងឆ្លងចរន្តអគ្គីសនីឆាបឆេះ អស់ទាំស្រុងតែ​សំណាង​ល្អ​មិន​បង្ក​គ្រោះថ្នាក់​ដល់​អាយុ​ជីវិត​។ហេតុការណ៍​នេះ​បង្ក​ឲ្យ​មាន​ការ​ភ្ញាក់ផ្អើល​នៅវេលាម៉ោង៦និង៣០នាទី​ព្រលប់​ ថ្ងៃ​ទី​២៦ខែ​ធ្នូ​ឆ្នាំ​២០១៦ស្ថិតនៅផ្សារតាំងក្រសាំងក្នុងភូមិសាមគ្គី១ ស
សង្កាត់ត្រពាំងក្រសាំង ខណ្ឌពោធិសែនជ័យ ។

តាម​ប្រភព​ព័ត៌មាន​ពីកន្លែងកើតហេតុ បានឲដឹងថា មុនពេលកើតហេតុ អ្នកលក់ដូរនៅជិតនោះ ឃើញផ្សែង ហ៊ុយៗចេញពីតូបរងគ្រោះខាងលើដោយមិនបានចាប់អារម្មណ៍។​ លុះមួយសន្ទុះក្រោយមកក៏ឃើញអណ្តាតភ្លើងឆេះចេញមកតែម្តង បង្កអោយមានការភ្ញាក់ផ្អើលដល់ប្រជាពលរដ្ធ នាំគ្នា
យកបំពង់ពន្លត់​មក​បាញ់​អស់ជិត១០បំពង់ នៅតែមិនរលត់ក៏មានរថយន្តរបស់ អង្គភាពតម្រួតបញ្ជារ បាញ់អស់១រថយន្ត និងរថយន្តខាងសាលាខណ្ឌពោធិសែនជ័យចេញមកបាញ់អស់១រថយន្ត ទើបរលត់។
​តាម​ប្រភព​ដដែល​បានបន្ដទៀត​ដឹងថា​ម្ចាស់​តូប​ខាង​លើ​មាន​ឈ្មោះ​ ងួន ប៊ុនធា អាយុ ៣៥ឆ្នាំ​ និងប្រពន្ធឈ្មោះ រត្ន័ មុន្នីកេសី អាយុ ៣៧ ឆ្នាំ​មាន​ស្រុក​កំណើត​នៅ​ភូមិ​កើត​ហេតុ​ខាង​លើ​ បច្ចុប្បន្ន​ស្នាក់​នៅ​ខេត្តកំពត។
តាម​ប្រភព​ព័ត៌មាន​ពី​ជនរងគ្រោះ​ជា​ម្ចាស់​តូប​បាន​អោយ​ដឹង​ថា​ តូប​ខាង​លើ​គាត់​បាន​ទុកអោយកូនស្រី២នាក់រស់នៅ​ដើម្បី​លក់​ឥវ៉ាន់​។​ ប៉ុន្តែកូនទាំង២របស់គាត់ក៏មិនបានរស់នៅដែរ​ ដោយទៅរស់នៅជាមួយម្តាយមុីង​នៅភូមិ ត្រពាំងអណ្តូង​សង្កាត់ត្រពាំងក្រសាំង ជិតភូមិកើតហេតុ។​

តាម​ប្រភពដដែលបានបញ្ជាក់ទៀតថាប្តីប្រពន្ធរបស់​គាត់​បាន​ចេញពីផ្ទះប្រហែលជិតកន្លះខែមកហើយដោយពួកគាត់លក់ដូរមិនសូវដាច់ហើយ។ចំណែកភ្លើងវិញត្រូវបានខាងអគ្គិសនីបានផ្តាច់ជាងមួយអាទិត្យមកហើយព្រោះអត់មានលុយបង់។
បច្ចុប្បន្ន​នេះ​ឥវ៉ាន់ក្នុងតូបនោះត្រូវអគ្គីភ័យឆាបឆេះអស់ទាំងស្រុង​តែ​មិនមានមនុស្សរងរបួសនោះទេ ៕​សារ៉េត​

 

LEAVE A REPLY

Please enter your comment!
Please enter your name here