ខេត្តកំពង់ធំ ៖ កាលពីវេលាម៉ោង៦ និង៣០នាទីយប់ថ្ងៃទី២៦ ធ្នូ ឆ្នាំ២០១៦ នៅចំណុចអូរខាងកើតភូមិស្រែ ឃុំសាលាវិស័យ ស្រុកប្រាសាទបល្ល័ង្ក ចម្ងាយពីផ្លូវជាតិលេខ៦២ប្រហែល១គីឡូម៉ែត្រ កើតមានករណីបុរស៣នាក់ចាប់រំលោភស្ត្រីជាប្រពន្ធគេអាយុ៣២ឆ្នាំម្នាក់ដោយរំលោភម្នាក់ម្តងៗរហូតបានសម្រេច ពេលដែលនាងបានចេញទៅតាមប្តីនៅចាំចម្ការ ។
ប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ ស្ត្រីរងគ្រោះបានចេញពីផ្ទះទៅតាមប្តីនៅចំការ លុះដើរដល់ចំណុចស្ពានឆ្លងអូរ ក៏ជួបប្រុសៗមួយក្រុមកំពុងផឹកស៊ី ពេលនោះ ស្រាប់តែបុរស៣នាក់រត់មកចាប់ស្រី្តរងគ្រោះអូសចុះក្រោមស្ពាន ហើយសម្រាតខោអាវរំលោភម្នាក់ម្តងៗបានសម្រេច ។ លុះមកដល់ព្រឹកថ្ងៃទី២៧ ធ្នូ នេះ សមត្ថកិច្ចចាប់ខ្លួនជនសង្ស័យពីរនាក់ឈ្មោះយ៉ន សុភ័ក្ត អាយុ២៦ឆ្នាំ និងម្នាក់ឈ្មោះថៃ នួន អាយុ២៥ឆ្នាំ ចំណែកម្នាក់ទៀតឈ្មោះសុខ ជា អាយុ២៧ឆ្នាំ កំពុងគេចខ្លួនបាត់ សមត្ថកិច្ចកំពុងតាមចាប់ខ្លួន ៕ សំបូរ
