ភ្នំពេញ៖បុរសម្នាក់ធ្វើដំណើរតាមរថយន្តសុខៗពេលឃើញរថយន្តធន់ធំ មកពីមុខចូលអែបខាងត្រូវរថយន្តមួយគ្រឿងទៀតមកពីក្រោយបុកពេញទំហឹង រួចជ្រុលទៅបុកដើមឈើមួយដើមប៉ះចំលោកតាវ័យចំណាស់ម្នាក់បណ្ដាលឲ្យរងរបួសស្រាល។ហេតុការណ៍គ្រោះថ្នាក់ចរាចរណ៍ មួយកើតឡើងនៅវេលា ១៩:២០ នាទីយប់នៅថ្ងៃទី ០៥ខែមករាឆ្នាំ២០១៧ ត្រង់ចំណុច មុខឃ្លាំងថ្លឹងរថយន្តលី ឆយ ផ្លូវជាតិលេខ ៥ ភូមិ ឌួង សង្កាត់ព្រែកព្នៅខណ្ឌព្រែកព្នៅ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញរថយន្តម៉ាកព្រូសពណ៌ស ពាក់ស្លាកលេខ ភ្នំពេញ ២K 5289 បើកបរដោយ រ៉េត គ្រីម ភេទប្រុស អាយុ ២២ ឆ្នាំ ស្នាក់នៅ ភូមិរលាំង ឃុំ ត្បូងខ្ពស់ ស្រុកសាមគ្គីមានជ័យ ខេត្ត កំពង់ឆ្នាំងធ្វើដំណើរតាមបណ្ដោយផ្លូវជាតិលេខ៥ក្នុងទិសដៅពីត្បូងទៅជើងនិងអ្នករួមដំណើរម្នាក់ទៀតមិនស្គាល់អត្តសញ្ញាណ។លុះមកដល់ចំណុចកើតហេតុក៏បានវ៉ារថយន្តមួយគ្រឿងទៀតម៉ាក international ពណ៌លឿងពាក់ស្លាកលេខ ភ្នំពេញ ៣C 8333 បើកបរដោយឈ្មោះ ឡូញ វុត្ថា ភេទប្រុស អាយុ ២៤ ឆ្នាំ ស្នាក់នៅ ភូមិ ព្រែកន្ទោច ឃុំ សុរព័ទេព ក្រុង ច្បារមន ខេត្តកំពង់ស្ពឺធ្វើដំណើរក្នុងទិសដៅស្របគ្នា ពេលនោះក៏មានរថយន្តមួយគ្រឿងទៀត ម៉ាក Hyundai ពណ៌ខៀវពាក់ស្លាកលេខ ភ្នំពេញ ៣C 5229 មានទិសដៅបញ្ច្រស់ទិសគ្នានៅពីមុខ ពេញឃើញដូច្នោះបានបើករថយន្តអែបចូលមកស្តាំ បណ្តាលឲ្យរថយន្តមានទិសដៅស្របគ្នាបុកពីក្រោយនឹងជ្រុលទៅប៉ះដើមឈើនៅពីមុខទៀត រួចទៅប៉ះលោកតាវ័យចំណាស់ម្នាក់ ឈ្មោះ លី គ្រីយុី អាយុ ៦០ ឆ្នាំ ជនជាតិ ឥស្លាម ស្នាក់នៅ ភូមិ ឌួង សង្កាត់ព្រែកព្នៅ ខណ្ឌ ព្រែកព្នៅ ដែលអង្គុយលេងក្បែរដើមឈើបណ្តាលអោយរងរបួសស្រាល។ចំណែកឯរថយន្តខូចខាតស្រាល២គ្រឿង នឹងមួយគ្រឿងខូចខាត ធ្ងន់ ។
ក្រោយពីកើតហេតុគេឃើញនគរបាលមូលដ្ឋានបានចុះទៅកន្លែងកើតហេតុដើម្បីធ្វើចរាចរណ៍និងវាស់វែងយករថយន្តបង្កហេតុព្រមទាំងរថយន្តរងគ្រោះមករក្សាទុកនៅអធិការខណ្ឌព្រែកព្នៅរងចាំការដោះស្រាយនូវពេលក្រោយ៕សារ៉េត