ភ្នំពេញ ៖ បុរសម្នាក់បានស្លាប់នៅកន្លែង រីឯនារីម្នាក់ទៀតត្រូវជាប្អូនជីដូនមួយបានក់ជើងខាងឆ្វេងត្រូវបញ្ជូនទៅសង្គ្រោះបន្ទាន់ ដោយសារជិះម៉ូតូលឿនទៅបុកពីក្រោយរថយន្តស៊ិនទ្រីកំពុងប្រមូលសំរាម។
ហេតុការណ៍នេះកើតឡើងនៅវេលាម៉ោង ១១និង៣០យប់ថ្ងៃទី៨ខែមករាឆ្នាំ ២០១៧លើតំណាត់ផ្លូវសហព័ន្ធរ៉ុស្សីមុខក្រុមហ៊ុនលក់រថយន្ត NISSANស្ថិតក្នុងភូមិប៉ប្រ៉កខាងជើង សង្កាត់កាកាប ខណ្ឌពោធិសែនជ័យ ។
ជនរងគ្រោះដែលស្លាប់មានឈ្មោះ លី ឆាយហុង
អាយុ២១ឆ្នាំភេទប្រុស មុខរបរបុគ្គលិកក្រុមលក់គ្រឿងបន្លាស់ទូរស័ព្ទ។ចំណែកឯនារីត្រូវជាប្អូនជីដូនមួយរងរបួសបាក់ជើងមានឈ្មោះ តាល់ ស្រីណុច អាយុ២០ឆ្នាំ ធ្វើការជាមួយគ្នា ស្នាក់នៅផ្ទះភូមិតាំងកសាងខាងត្បូង សង្កាត់កាកាប ខណ្ឌពោធិសែនជ័យ ទាំង២នាក់ជិះម៉ូតូម៉ាក ស្ស៊ុយស៊ីគីនិចពណ៍លឿង ពាក់ស្លាក់លេខភ្នំពេញ 1FF-0575 ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញជនរងគ្រោះជិះម៉ូតូមួយគ្រឿងចេញពីខួបកំណើតមិត្តភ័ក្តិជាមួយនឹងប្អូនស្រីជីដូនមួយតាមបណ្ដោយផ្លូវសហព័ន្ធរុស្ស៊ីក្នុងទិសដៅពីកើតទៅលិចដើម្បីវិលត្រឡប់ទៅផ្ទះវិញ។លុះមកដល់ចំណុចកើតហេតុបានជ្រុលទៅបុករថយន្តមួយគ្រឿងរបស់ក្រុមហ៊ុនសុិនទ្រីកំពុងប្រមូលសំរាមពីក្រោយពេញទំហឹងបណ្តាលឲ្យជនរងគ្រោះស្លាប់បាត់បង់ជីវិតម្នាក់និងម្នាក់ទៀតរងរបួសធ្ងន់។
ក្រោយពេលកើតហេតុសមត្ថកិច្ចមូលដ្ឋានបានចុះទៅកន្លែងកើតហេតុដើម្បីធ្វើចរាចរណ៍និងទំនាក់ទំនងហៅរថយន្តសង្គ្រោះដឹកនារីរងគ្រោះទៅព្យាបាល ។ដោយឡែកសាកសពត្រូវបាននគរបាលមូលដ្ឋានសហការជាមួយនគរបាលក្រុងប្រគល់អោយក្រុមគ្រួសារយកទៅធ្វើបុណ្យតាមប្រពៃណី។ចំណែករថយន្តនឹងម៉ូតូបានត្រូវនគរបាលជំនាញចរាចរណ៍ក្រុងវាស់វែងយកទៅរក្សាទុកនៅការិយាល័យចរាចរណ៍ក្រុងរងចាំការដោះស្រាយនៅពេលក្រោយ៕សារ៉េត