ភ្នំពេញ ៖ រថយន្តមួយគ្រឿងម៉ាកប៉ាជឺរ៉ូ បានឆ្លងចរន្តភ្លើងបណ្តាលអោយឆាបឆេះចេញជាអណ្តាតភ្លើងឡើងសន្ធោរសន្ធៅ ពន្លត់មិនទាន់ឆេះម៉ត់សល់គ្រោងដែក តែគ្មានអ្នករងរបួស។ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង៨និង២០នាទីយប់ថ្ងៃទី០៨ ខែមករា ឆ្នាំ២០១៧ ស្ថិតនៅលើកំណាត់ផ្លូវវេងស្រេង មុខរោងចក្រតំឡើងម៉ូតូហុងដារ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ តែពុំបង្កឲ្យអ្នកណាម្នាក់រងរបួសឡើយ ។
រថយន្តខាងលើម៉ាកប៉ាជឺរ៉ូពាក់ស្លាកលេខភ្នំពេញ 2C-7353 បើកបរដោយជនជាតិចិនគេចខ្លួនទៅបាត់ ។
តាមប្រជាពលរដ្ឋតាមដងផ្លូវបានឲ្យដឹងថា រថយន្តខាងលើបើកបរដោយបុរសជនជាតិចិនម្នាក់ធ្វើដំណើរតាមបណ្តោយផ្លូវវេងស្រេងទិសដៅពីលិចទៅកើត ខណៈដែលកំពុងតែបើកបរ រថយន្តបានឆ្លងប្រព័ន្ធភ្លើងធ្វើឲ្យឆាបឆេះ រថយន្តយ៉ាងសន្ធោរសន្ធៅ។ ភ្លាមៗម្ចាស់ចុះពីរថយន្តនហើយយកកំណាត់មកគ្រប់លើរថយន្តអោយរលត់តែរថយន្តនៅតែឆាបឆេះដដែរ។ចំណែកម្ចាស់រថយន្តឃើញឆេះដូច្នោះខ្លាចមានបញ្ហាដល់ខ្លួនបានឡើងលើកងបីជិះគេចខ្លួនបាត់។ បង្កអោយផ្អើលដល់សមត្ថកិច្ចនឹងប្រជាពលរដ្ធហៅរថយន្តពន្លត់អគ្គិសភ័យមកអន្តរាគមន៍តែទោះជាយ៉ាងណា ក៏ជួយមិនបាន ព្រោះទំរាំរថយន្តពន្លត់មកដល់គឺរថយន្តរងគ្រោះបានឆេះស្ទើរទាំងស្រុងទៅហើយ។
បច្ចុប្បន្នរថយន្តខាងលើ ទុកនៅកន្លែងកើតហេតុរងចាំម្ចាស់ហៅអេតចាយមកកាប់សាច់លក់តែប៉ុណ្ណោះ៕សារ៉េត