នគរបាល​​ឃាត់ខ្លួន​ក្រុម​ជនសង្ស័យ​ពាក់ព័ន្ធ​គ្រឿងញៀន​៦នាក់​នៅ​ខេត្តបាត់ដំបង

0
178

 

 

ខេត្តបាត់ដំបង​ ៖​ ជន​សង្ស័យ​ចំនួន​៦នាក់​ក្នុងនោះមានតារាចម្រៀង ថៃ នរៈពិទូ ម្នាក់ផង ត្រូវ​កម្លាំង​នគរបាល​ខេត្តបាត់ដំបង​ធ្វើ​ការ​ឃាត់​ខ្លួន​​កាលពី​រសៀល​ថ្ងៃទី១០ មករា ២០១៧ ស្ថិតនៅ​ទីតាំង​ខារ៉ាអូខេ​មួយកន្លែង​យីហោ «ដឺ​សោ​ន ហ្វា​មី​លី The Sound Family KTV» ដោយ​រកឃើញថា ពួកគេ​បាន​ប្រើប្រាស់​រក្សាទុក និង​ជួញដូរ​ដោយ​ខុសច្បាប់​នូវ​សារធាតុ​ញៀន ក្នុងនោះ​មានកូន​ប្រុស និង​កូនប្រសា​ស្រី​របស់​អ្នកស្រី​ដែរ ។

តារា​សម្តែង​និង​ជា​អតីត​ហ្វ្រេ​ស៊ី​លេខ១ លោក​ថៃ នរៈ​ពិ​ទូ បាន​បង្កើត​រឿង​ដ៏​ភ្ញាក់ផ្អើល​ថ្មី​មួយទៀត រួមជាមួយ​ប្រពន្ធ​របស់ខ្លួន ក្រោយពី​តារា​រូបនេះ​និង​បក្សពួក​ជាច្រើន​នាក់ ត្រូវបាន​មន្ត្រី​ នគរបាល​ខេត្តបាត់ដំបង​ចាប់ខ្លួន ព្រោះតែ​មានការ​ពាក់ព័ន្ធ​នឹង​ករណី​ជួញដូរ​ថ្នាំញៀន ។

ប្រតិបត្តិការ​នេះ ក្នុង​បទល្មើស​ជាក់ស្ដែងឃាត់ខ្លួន​ជនសង្ស័យ​ចំនួន៦នាក់ ដែល​ក្នុងនោះ​ពិតជា​មាន​តារា​សម្តែង ថៃ នរៈ​ពិ​ទូ ពិតមែន ។
ជន​ទាំង៦នាក់​នោះ រួមមាន ៖
១-ឈ្មោះ​ហេង យូ​សុង ភេទ​ប្រុស អាយុ២៤ឆ្នាំ រស់នៅ​ភូមិ១៣មករា សង្កាត់​ព្រែក​ព្រះស្តេច ក្រុង​បាត់ដំបង ។
២-ឈ្មោះ​ថៃ នរៈ​ពិ​ទូ អាយុ៣២ឆ្នាំ រស់នៅ​ភូមិ​អូរ​ប្ញ​ស្សី២ ខណ្ឌប្រាំពីរមករា រាជធានី​ភ្នំពេញ ។
៣-ឈ្មោះ​ភា ប៊ុនហេង ភេទ​ប្រុស អាយុ៣២ឆ្នាំ រស់នៅ​ភូមិ​ព្រែក​ព្រះស្តេច សង្កាត់​ព្រែក​ព្រះស្តេច ក្រុង​បាត់ដំបង ។
៤-ឈ្មោះ​ហាប់ សុវត្ថិ ភេទ​ប្រុស អាយុ២៩ឆ្នាំ រស់នៅ​ក្រុង​បាត់ដំបង ។
៥-ឈ្មោះ​អោក រតនៈ​ប៉ុ​ណ្ណិ​កា ភេទ​ស្រី អាយុ២៧ឆ្នាំ (ប្រពន្ធ​របស់​ថៃ នរៈ​ពិ​ទូ) រស់នៅ​សង្កាត់​បឹងកក់២ ខណ្ឌទួលគោក រាជធានី​ភ្នំពេញ ។
និង៦-ឈ្មោះ​ហ៊ុន ម៉ា​ណេ ភេទ​ស្រី អាយុ២៧ឆ្នាំ ស្នាក់នៅ​បន្ទប់​ជួល ក្នុងភូមិ​រំចេក៤ សង្កាត់​រត​នះ ក្រុង​បាត់ ដំបង។
បច្ចុប្បន្ន​នេះ​ជន​សង្ស័យ​ទាំង​៦នាក់​កំពុង​ឃុំខ្លួន​ជា​បណ្ដោះ​អាសន្ន​នូវ​ស្នងការ​ខេត្ត​បាត់ដំបង​ដើម្បី​សាក​សួរ​និង​កសាង​សំណុំ​រឿងបញ្ជូន​ទៅ​ទៅកាន់​តុលាការ​ចាត់ការ​តាម​ផ្លូវ​ច្បាប់​៕​សារ៉េត​

 

 

LEAVE A REPLY

Please enter your comment!
Please enter your name here